ജാനു കലക്കും; സാമന്തക്ക് ആശംസകളുമായി തൃഷ

തെലുങ്ക് ചിത്രത്തിന്‍റെ ടീസർ സാമന്ത ഇന്‍സ്റ്റഗ്രാമിൽ പങ്കുവെച്ചപ്പോൾ തൃഷ പോസ്റ്റിന് നൽകിയ മറുപടി നീ എപ്പോഴത്തെയും പോലെ ഇത് തകര്‍ക്കുമെന്നെനിക്കറിയാം എന്നാണ്.

പ്രേക്ഷകര്‍ ഹൃദയത്തിൽ സ്വീകരിച്ച പ്രണയകാവ്യം '96, ജാനുവിന്‍റെയും റാമിന്‍റെയും ഓർമകളിലൂടെയും നഷ്‌ട പ്രണയത്തിലൂടെയും പ്രേക്ഷകനെ തിരിച്ച് നടത്തിയ ചിത്രം പുറത്തിറങ്ങിയിട്ട് ഒരു വർഷം പിന്നിടുമ്പോൾ സംവിധായകൻ സി.പ്രേംകുമാര്‍ തന്നെ ചിത്രത്തിന്‍റെ തെലുങ്ക് പതിപ്പും ഒരുക്കുകയാണ്. തൃഷക്ക് പകരം 'ജാനു'വിലെത്തുന്നത് സാമന്ത അക്കിനേനിയാണ്. കഴിഞ്ഞ ദിവസം ജാനു ചിത്രത്തിന്‍റെ ടീസർ റിലീസ് ചെയ്‌തപ്പോൾ മുതൽ തൃഷയെയും സാമന്തയെയും താരതമ്യം ചെയ്തു കൊണ്ട് ചര്‍ച്ചകളും സജീവമായിരുന്നു.

എന്നാൽ, സാമന്ത ഈ വേഷം തകർക്കുമെന്ന് അറിയിച്ചിരിക്കുന്നത് 96ലെ എല്ലാവരുടെയും പ്രിയപ്പെട്ട ജാനു തൃഷ തന്നെയാണ്. തെലുങ്ക് ചിത്രത്തിന്‍റെ ടീസർ സാമന്ത ഇന്‍സ്റ്റഗ്രാമിൽ പങ്കുവെച്ചപ്പോൾ തൃഷ പോസ്റ്റിന് നൽകിയ മറുപടി നീ എപ്പോഴത്തെയും പോലെ ഇത് തകര്‍ക്കുമെന്നെനിക്കറിയാം എന്നാണ്. തൃഷയുടെ അഭിനന്ദനത്തിന് 'നിങ്ങളുടെ വാക്കുകള്‍ തനിക്കേറെ വിലപ്പെട്ടതാണ്' എന്ന് സാമന്ത തിരിച്ചും കമന്‍റ് ചെയ്‌തു.ജാനുവെന്ന പേരിൽ തെലുങ്കിലെത്തുന്ന ചിത്രത്തിൽ വിജയ് സേതുപതി മനോഹരമാക്കിയ വേഷം ചെയ്യുന്നത് ഷര്‍വാനന്ദ് ആണ്. ജാനുവിന്‍റെ ചെറുപ്പകാലം മലയാളിയായ ഗൗരി കിഷന്‍ തന്നെ തെലുങ്കിലും അവതരിപ്പിക്കുന്നു.