ലിംഗമാറ്റ ശസ്‌ത്രക്രിയയിലെ അപാകതകളില്‍ മനംനൊന്ത് ആത്മഹത്യ ചെയ്‌ത ട്രാന്‍സ്‌ജെന്‍ഡര്‍ ആക്‌ടിവിസ്റ്റ് അനന്യയുടെ ജീവിതത്തെ അധികരിച്ച് സിനിമയൊരുങ്ങുന്നു. സംവിധായകന്‍ പ്രദീപ് ചൊക്ലി അനന്യയുടെ ബയോപിക് ഒരുക്കുന്നതായാണ് റിപ്പോർട്ട്.
സംസ്ഥാനത്തെ ആദ്യ ട്രാൻസ്‌ജെൻഡർ റേഡിയോ ജോക്കിയും ഐഎഫ്‌എഫ്‌കെ അടക്കമുള്ള സാംസ്‌കാരിക പരിപാടികളുടെ അവതാരകയുമായിരുന്ന അനന്യ കുമാരി അലക്‌സ് നടത്തിയ പോരാട്ടങ്ങളാണ് സിനിമയുടെ പ്രമേയം.
അനന്യയായി വേഷമിടുന്നത് ഒരു ട്രാന്‍സ്‌ജെഡര്‍ തന്നെ ആയിരിക്കും. കൂടാതെ, മലയാളത്തിലെ പ്രശസ്ത താരങ്ങളും ബയോപിക്കിന്‍റെ ഭാഗമാകും. താജുദ്ദീനാണ് ചിത്രത്തിന്‍റെ രചന നിർവഹിക്കുന്നത്.