മലയാളത്തിന്‍റെ ബിഗ് എമ്മുകൾക്ക് പിന്നാലെ യുഎഇ സര്‍ക്കാരിന്‍റെ ഗോൾഡൻ വിസ സ്വീകരിച്ച് മലയാളത്തിന്‍റെ യൂത്ത് ഐക്കൺ ടൊവിനോ തോമസും.
കലാ- കായിക- സാംസ്‍കാരിക രംഗങ്ങളിലെ പ്രതിഭകള്‍ക്ക് ഓഗസ്റ്റ് 30 മുതല്‍ ഗോള്‍ഡന്‍ വിസ അനുവദിക്കുമെന്ന് ദുബായ് കള്‍ച്ചര്‍ ആൻഡ് സ്‍പോര്‍ട്‌സ് അതോറിറ്റി അറിയിച്ചിരുന്നു.
ഗോൾഡൻ വിസ സ്വീകരിക്കാനായി ഞായറാഴ്‌ച ടൊവിനോ ദുബായിലെത്തി. മമ്മൂട്ടിക്കും മോഹൻലാലിനും ശേഷം മലയാള സിനിമയെ പ്രതിനിധീകരിച്ച് ഗോൾഡൻ വിസ സ്വന്തമാക്കുന്ന താരമാണ് ടൊവിനോ.
മലയാളത്തിൽ നിന്നും ഇനിയും ഏതാനും യുവനടന്മാർക്കും നടിമാര്‍ക്കും ഗോള്‍ഡന്‍ വിസ ലഭിക്കുമെന്നും റിപ്പോർട്ടുകളുണ്ട്.