കുഞ്ഞുകൂട്ടുകാർ മുതൽ മുതിർന്നവർക്ക് വരെ പ്രിയപ്പെട്ട കാർട്ടൂൺ കഥാപാത്രങ്ങളാണ് ടോമെന്ന പൂച്ചയും ജെറിയെന്ന എലിയും. 1940ലാണ് ആദ്യമായി ടോമും ജെറിയും പ്രേക്ഷകർക്ക് മുന്നിലെത്തിയത്. ശേഷം, വ്യത്യസ്‌ത സൃഷ്‌ടാക്കളിലൂടെ ടോം ആൻഡ് ജെറിയുടെ പല പല പതിപ്പുകൾ പുറത്തിറങ്ങി.
2006 മുതൽ വാർണർ ബ്രദേഴ്സ് ടോമിനെയും ജെറിയെയും ഏറ്റെടുത്തു. കഴിഞ്ഞ ഫെബ്രുവരിയിൽ ലൈവ്- ആക്ഷനും ആനിമേഷനും ചേർത്ത് വാർണർ ബ്രോസ് ടോം ആൻഡ് ജെറിയുടെ മറ്റൊരു പുതിയ ഭാഗവും അവതരിപ്പിച്ചു. ടിം സ്റ്റോറിയായിരുന്നു ചിത്രം സംവിധാനം ചെയ്‌തത്.