ഏറെ നിരൂപക പ്രശംസ നേടിയ ബോളിവുഡ് സിനിമ അന്ധാധുന്നിന്‍റെ മലയാളം റീമേക്ക് പ്രഖ്യാപിച്ചിട്ട് നാളേറെയായി. ഇപ്പോള്‍ സിനിമയുടെ ഷൂട്ടിങ് ആരംഭിച്ച സന്തോഷം പങ്കുവെച്ചിരിക്കുകയാണ് മലയാളം റീമേക്കിലെ നായകന്‍ പൃഥ്വിരാജ്. ഛായാഗ്രഹകന്‍ രവി.കെ.ചന്ദ്രന്‍ ആദ്യമായി സംവിധാനം ചെയ്യുന്ന സിനിമ കൂടിയാണ് ഭ്രമം. ചിത്രത്തിന്‍റെ ഷൂട്ടിങ് കൊച്ചിയിലാണ് ആരംഭിച്ചത്. എ.പി ഇന്‍റര്‍നാഷണല്‍ നിര്‍മിക്കുന്ന ചിത്രത്തില്‍ പൃഥ്വിരാജിന് പുറമെ ഉണ്ണി മുകുന്ദനും മംമ്ത മോഹന്‍ദാസും റാഷി ഖന്നയും മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
-
#Bhramam Switch On! #Pooja Unni Mukundan #RaviKChandran Jakes Bejoy AP International
Posted by Prithviraj Sukumaran on Wednesday, January 27, 2021
ശരത് ബാലന്‍റേതാണ് തിരക്കഥ. എഡിറ്റിങ് ശ്രീകര്‍ പ്രസാദ്. സംഗീതം ജേക്സ് ബിജോയ്. സുരഭി ലക്ഷ്മി, അനന്യ, ശങ്കര്‍, ജഗദീഷ്, സുധീര്‍ കരമന തുടങ്ങിയവരും ഭ്രമത്തില്‍ അഭിനയിക്കും. റാം രാഘവന്‍റെ സംവിധാനത്തില്‍ 2018ല്‍ പ്രദര്‍ശനത്തിനെത്തിയ ബ്ലാക്ക് കോമഡി ത്രില്ലര്‍ ചിത്രമായിരുന്നു അന്ധാധുന്‍. സിനിമക്കായി പിയാനോ പഠിച്ച് തുടങ്ങിയതിന്‍റെ ഫോട്ടോയും പൃഥ്വി ഇന്‍സ്റ്റഗ്രാമില്‍ പങ്കുവെച്ചിട്ടുണ്ട്. അന്ധാധുന്നില്‍ ആയുഷ്‌മാന്‍ ഖുറാന അവതരിപ്പിച്ച കഥാപാത്രം ഒരു പിയാനിസ്റ്റിന്‍റേതായിരുന്നു.