ഭാഗ്യരാജിനും പൂര്‍ണിമ ഭാഗ്യരാജിനും കൊവിഡ്

തങ്ങളുടെ കുടുംബവുമായി അടുത്ത ദിവസങ്ങളില്‍ അടുത്തിടപെട്ടവര്‍ സ്വയം ക്വാറന്‍റൈനില്‍ പ്രവേശിക്കണമെന്ന് ശാന്തനു ഭാഗ്യരാജ് അഭ്യര്‍ഥിച്ചു.

തമിഴ് നടനും സംവിധായകനുമായ ഭാഗ്യരാജിനും ഭാര്യ പൂര്‍ണിമയ്ക്കും കൊവിഡ് സ്ഥിരീകരിച്ചു. മകന്‍ ശാന്തനു ഭാഗ്യരാജാണ് സമൂഹമാധ്യമങ്ങളിലൂടെ ഇക്കാര്യം അറിയിച്ചത്. അച്ഛനും അമ്മയ്ക്കും കൊവിഡ് പോസിറ്റീവായതോടെ താന്‍ ഉള്‍പ്പടെയുള്ള കുടുംബാംഗങ്ങളും ജോലിക്കാരും നിരീക്ഷണത്തില്‍ പ്രവേശിച്ചതായും ശാന്തനു ഭാഗ്യരാജ് വ്യക്തമാക്കി. ഈ അടുത്ത ദിവസങ്ങളില്‍ തങ്ങളുമായി സമ്പര്‍ക്കം പുലര്‍ത്തിയവര്‍ സ്വയം ക്വാറന്‍റൈനില്‍ പ്രവേശിക്കണമെന്നും കൊവിഡ് പരിശോധന നടത്തണമെന്നും ശാന്തനു അഭ്യര്‍ഥിച്ചു.

• My parents #KBhagyaraj #PoornimaBhagyaraj have tested POSITIVE for #Covid19 today. All of us incl. our staff have...

  Posted by Shanthnu Bhagyaraj on Thursday, May 6, 2021

അതേസമയം ഭാഗ്യരാജും പൂര്‍ണിമയും നേരത്തെ കൊവിഡ് വാക്‌സിന്‍ സ്വീകരിച്ചവരാണ്. പൊന്മകള്‍ വന്താലാണ് അവസാനമായി ഭാഗ്യരാജ് അഭിനയിച്ച് തിയേറ്റുകളിലെത്തിയ സിനിമ. ആമസോണ്‍ പ്രൈമിലൂടെയായിരുന്നു ജ്യോതിക കേന്ദ്രകഥാപാത്രമായ ഈ സിനിമ സ്ട്രീം ചെയ്‌തത്.