തമിഴ് ആന്തോളജി 'പാവ കഥൈകള്‍' നെറ്റ്ഫ്ളിക്സില്‍ റിലീസ് ചെയ്യും

റോണി സ്ക്രൂവാലയുടെ ആർഎസ്‌വിപി മൂവിസും ആഷി ദുവാ സാറയുടെ ഫ്‌ളൈയിങ് യൂണികോൺ എന്‍റര്‍ടെയ്ന്‍മെന്‍റ്സും ചേർന്നാണ് 'പാവ കഥൈകള്‍' നിര്‍മിച്ചിരിക്കുന്നത്.

എറണാകുളം: കോളിവുഡിലെ പ്രമുഖ സംവിധായകരായ വെട്രിമാരൻ, ഗൗതം വാസുദേവ് മേനോൻ, സുധ കൊങര, വിഘ്‌നേഷ് ശിവൻ എന്നിവർ ചേർന്ന് സംവിധാനം ചെയ്ത തമിഴ് ആന്തോളജി സിനിമ 'പാവ കഥൈകള്‍' നെറ്റ്ഫ്ലിക്‌സ് റിലീസ് ചെയ്യും. ലെറ്റ്സ് ഒടിടിയുടെ അറിയിപ്പിൽ നാല് സംവിധായകർ ചേർന്ന് ഒരുക്കുന്ന ഈ ആന്തോളജിയിലെ അഭിനേതാക്കളുടെ വിവരങ്ങളും വ്യക്തമാക്കിയിട്ടുണ്ട്. റോണി സ്ക്രൂവാലയുടെ ആർഎസ്‌വിപി മൂവിസും ആഷി ദുവാ സാറയുടെ ഫ്‌ളൈയിങ് യൂണികോൺ എന്‍റര്‍ടെയ്ന്‍മെന്‍റ്സും ചേർന്നാണ് ഈ സിനിമ നിർമിച്ചിരിക്കുന്നത്. അഞ്ജലി, ഭവാനി ശ്രീ, ഗൗതം വാസുദേവ് മേനോൻ, കാളിദാസ് ജയറാം, കൽക്കി കോച്ച്ലിൻ, പ്രകാശ് രാജ്, സായ് പല്ലവി, ശാന്ത്നു ഭാഗ്യരാജ്, സിമ്രൻ എനിവാരാണ് പ്രധാന വേഷങ്ങളിൽ അഭിനയിച്ചിരിക്കുന്നത്. അഭിമാന കൊലകള്‍ പ്രമേയമാക്കിയുള്ളതാണ് സിനിമയെന്നാണ് റിപ്പോര്‍ട്ട്.