കഴിഞ്ഞ ദിവസങ്ങളിൽ സമൂഹമാധ്യമങ്ങളിൽ തരംഗമായ ചെങ്കല്‍ച്ചൂളയിലെ കുട്ടികൾക്ക് പ്രശംസയുമായി നടൻ സൂര്യ. തിരുവനന്തപുരം ചെങ്കല്‍ച്ചൂള രാജാജി നഗർ കോളനിയിലെ കുട്ടികൾ പുനരാവിഷ്‌കരിച്ച അയൻ ചിത്രത്തിലെ ഗാനത്തിന് സൂര്യ അഭിനന്ദനവുമായെത്തി. കൂടാത, കുറച്ചുനാൾ മുമ്പ് ഇവർ അവതരിപ്പിച്ച അയൻ ചിത്രത്തിലെ രംഗങ്ങൾക്കും സൂര്യ പ്രതികരിച്ചിരുന്നു. 'ഇഷ്ടപ്പെട്ടു, വളരെ നന്നായിരിക്കുന്നു, സുരക്ഷിതരായിരിക്കൂ!' എന്നാണ് താരം വീഡിയോ പങ്കുവച്ചുകൊണ്ട് ട്വീറ്റ് ചെയ്‌തത്.
സൂര്യക്ക് പിറന്നാൾ സമ്മാനമായി ചെങ്കല്‍ച്ചൂളയിലെ മിടുക്കന്മാർ
വാട്‌സാപ്പ് സ്റ്റാറ്റസുകളിലൂടെയും സിനിമാമേഖലയിലെ വിവിധ പ്രമുഖരും ചെങ്കൽച്ചൂള കോളനിയിലെ കുട്ടികളുടെ വീഡിയോ പങ്കുവച്ചിരുന്നു. റെഡ് മീ മൊബൈല്‍ ഫോണും സെല്‍ഫി സ്റ്റിക്കും വടിയും ഉപയോഗിച്ചാണ് പാട്ടും സംഘട്ടനരംഗങ്ങളും ഇവർ ചിത്രീകരിച്ചത്. കൈന്‍ മാസ്റ്ററെന്ന വീഡിയോ എഡിറ്റ് ആപ്പിലൂടെ രംഗങ്ങൾ എഡിറ്റ് ചെയ്‌തു. മൂന്ന് ആഴ്ച എടുത്തായിരുന്നു ചിത്രീകരണം.