കൊവിഡ്‌ വാക്‌സിന്‍ സ്വീകരിച്ച് സൂര്യ-ജ്യോതിക ദമ്പതികള്‍

വാക്‌സിന്‍ സ്വീകരിക്കുന്ന ചിത്രങ്ങള്‍ ട്വിറ്ററിലൂടെ സൂര്യയാണ് പങ്കുവച്ചത്.

കൊവിഡ് വാക്സിൻ സ്വീകരിച്ച് സൂര്യയും ജ്യോതികയും. ചെന്നൈ സൂര്യൻ ഹോസ്പിറ്റലിൽ നിന്നാണ് താരദമ്പതികൾ വാക്സിനെടുത്തത്. ഇതിന്‍റെ ചിത്രങ്ങൾ സൂര്യ ട്വിറ്ററിലൂടെ പങ്കുവച്ചു. നേരത്തെ സൂര്യയുടെ സഹോദരനും നടനുമായ കാർത്തിയും കൊവിഡ് വാക്സിൻ സ്വീകരിച്ചിരുന്നു.

കൂടാതെ, കെജിഎഫ് സംവിധായകൻ പ്രശാന്ത് നീൽ, കീർത്തി സുരേഷ് അടക്കം താരങ്ങളും നേരത്തെ വാക്സിൻ സ്വീകരിച്ച് കൊവിഡ് പ്രതിരോധപ്രവർത്തനത്തിന്‍റെ ഭാഗമായിട്ടുണ്ട്.