പിറന്നാൾ ദിനത്തിൽ പുതിയ സിനിമയുടെ ഫസ്റ്റ് ലുക്ക് പുറത്തുവിട്ട് സൂര്യ. സൂര്യയുടെ കരിയറിലെ 39-ാം ചിത്രത്തിന് ജയ് ഭീം എന്നാണ് പേരിട്ടിരിക്കുന്നത്. ടി.എസ് ജ്ഞാനവേൽ സംവിധാനം ചെയ്യുന്ന ചിത്രത്തിൽ രജിഷ വിജയനാണ് നായിക കഥാപാത്രത്തെ അവതരിപ്പിക്കുന്നത്. ചിത്രത്തിൽ അഭിഭാഷകന്‍റെ റോളിലാണ് സൂര്യ എത്തുന്നത്.
ആദിവാസി സമൂഹത്തിന്‍റെ അവകാശങ്ങൾക്ക് വേണ്ടി പോരാടുന്ന നായകനാണ് ചിത്രത്തിൽ സൂര്യ. ദലിത് മുന്നേറ്റമാണ് ചിത്രത്തിന്‍റെ പ്രമേയം. ജയ് ഭീം വാഴ്ത്തുകൾ എന്ന വരികൾക്കൊപ്പം സംവിധായകൻ പാ രഞ്ജിത്ത് ഫസ്റ്റ് ലുക്ക് ഷെയർ ചെയ്തിട്ടുണ്ട്. ചിത്രത്തിന്‍റെ സംവിധായകൻ ജ്ഞാനവേൽ തന്നെയാണ് തിരക്കഥ ഒരുക്കിയിരിക്കുന്നത്.