ആരാധകരുടെ ആകാംക്ഷയ്ക്ക് വിരാമമിട്ട് തലൈവ ചിത്രം 'അണ്ണാത്ത'യുടെ റിലീസ് പ്രഖ്യാപിച്ചു. ദീപാവലി റിലീസായി ചിത്രം പ്രദർശിപ്പിക്കുമെന്ന് നേരത്തെ വാർത്തകളുണ്ടായിരുന്നെങ്കിലും ഇതു സംബന്ധിച്ച് അണിയറപ്രവർത്തകരിൽ നിന്ന് സ്ഥിരീകരണമുണ്ടായിരുന്നില്ല.
എന്നാൽ, ദീപാവലിക്കാണോ അണ്ണാത്ത റിലീസ് എന്ന ചോദ്യത്തിന് മറുപടി നൽകിയിരിക്കുകയാണ് നിർമാതാക്കൾ. നവംബർ 11ന് ചിത്രം റിലീസ് ചെയ്യുമെന്ന് സൺ പിക്ചേഴ്‌സ് അറിയിച്ചു. തിയറ്ററുകളിലൂടെയാണ് പുറത്തിറക്കുക.
സിനിമയുടെ ഫസ്റ്റ് ലുക്ക് ഉടൻ പുറത്തുവിടുമെന്നും നിർമാതാക്കൾ അറിയിച്ചു. റിലീസ് പ്രഖ്യാപനത്തിനൊപ്പം സൂപ്പർസ്റ്റാറിന്‍റെ പിന്നിൽ നിന്നുള്ള അണ്ണാത്ത ലുക്കും നിർമാതാക്കൾ പങ്കുവച്ചിട്ടുണ്ട്.
More Read:'അണ്ണാത്ത'യിൽ രജനിക്ക് പാക്ക് അപ്പ്; തലൈവ ചെന്നൈയിലേക്ക് മടങ്ങി
സിരുത്തൈ ശിവ സംവിധാനം ചെയ്ത ചിത്രത്തിൽ നയൻതാരയാണ് നായിക. ഖുശ്ബു സുന്ദർ, ജഗപതി ബാബു, സൂരി, പ്രകാശ് രാജ്, മീന എന്നിവരും മറ്റ് പ്രധാന വേഷങ്ങള്‍ ചെയ്യുന്നു. ഡി. ഇമ്മനാണ് അണ്ണാത്തയുടെ സംഗീതം ഒരുക്കുന്നത്.