തെന്നിന്ത്യൻ സൂപ്പർതാരം അല്ലു അർജുന് കൊവിഡ് ഭേദമായി. രോഗം സ്ഥിരീകരിച്ചശേഷം 15 ദിവസമായി ക്വാറന്‍റൈനിൽ കഴിയുകയായിരുന്നെന്നും ഇപ്പോൾ നെഗറ്റീവായെന്നും താരം തന്നെയാണ് ഇൻസ്റ്റഗ്രാമിലൂടെ ആരാധകരെ അറിയിച്ചത്. എല്ലാവരുടെയും സ്നേഹത്തിനും ആശംസകൾക്കും അല്ലു അർജുൻ നന്ദി പറഞ്ഞു. ലോക്ക് ഡൗണിലൂടെ കൊവിഡ് ബാധിതരുടെ എണ്ണം കുറയ്ക്കാൻ സാധിക്കുമെന്ന് പ്രതീക്ഷിക്കുന്നതായും എല്ലാവരും വീട്ടിൽ സുരക്ഷിതരായി ഇരിക്കാൻ അഭ്യർഥിക്കുന്നതായും താരം പോസ്റ്റിൽ വ്യക്തമാക്കി. കഴിഞ്ഞ മാസം 28നായിരുന്നു അല്ലു അർജുന് കൊവിഡ് സ്ഥിരീകരിച്ചത്.
'15 ദിവസത്തെ ക്വാറന്‍റൈന് ശേഷം കൊവിഡ് നെഗറ്റീവായി. ആരാധകരുടെയും അഭ്യുദയകാംക്ഷികളുടെയും ആശംസകൾക്കും പ്രാർഥനകൾക്കും നന്ദി. ഈ ലോക്ക് ഡൗൺ രോഗബാധിതരുടെ എണ്ണം കുറയ്ക്കുന്നതിൽ സഹായിക്കുമെന്ന് പ്രതീക്ഷിക്കുന്നു. വീട്ടിൽ സുരക്ഷിതരായി ഇരിക്കൂ. എല്ലാവരുടെയും സ്നേഹത്തിന് നന്ദി' -അല്ലു അർജുൻ കുറിച്ചു.