തലയിൽ നിന്ന് അടക്ക എടുത്ത് സൗബിൻ മാജിക്; അമ്പരന്ന് ജാഫർ ഇടുക്കി

ജിന്നിന്‍റെ ഷൂട്ടിങ്ങിനിടെയുള്ള ഇടവേളയിൽ സൗബിൻ ഷാഹിർ കാണിച്ച മാജിക് കണ്ട് ജാഫർ ഇടുക്കി അമ്പരക്കുന്നതും വീഡിയോയിൽ കാണാം.

സിനിമാ ചിത്രീകരണത്തിനിടെ നടൻ സൗബിൻ ഷാഹിർ കാണിച്ച മാജിക് വൈറലാകുകയാണ്. സിദ്ധാര്‍ത്ഥ് ഭരതൻ സംവിധാനം ചെയ്യുന്ന പുതിയ ചിത്രം ജിന്നിന്‍റെ ഷൂട്ടിങ്ങിനിടെയുള്ള ഇടവേളയിലായിരുന്നു സൗബിന്‍റെ മാജിക്. കൂട്ടത്തിലുള്ളയാളുടെ തലയിൽ നിന്നും അടക്കയെടുക്കുന്നതും അത് ചവക്കുന്നതുമൊക്കെ കണ്ട് ജാഫര്‍ ഇടുക്കി അമ്പരക്കുന്നതും വീഡിയോയിൽ കാണാം.

#അടക്ക എന്ന ഹാഷ്‌ടാഗോടെ സൗബിൻ തന്നെയാണ് വീഡിയോ ഇൻസ്റ്റഗ്രാമിൽ പങ്കുവച്ചിരിക്കുന്നത്. സൗബിനും ജാഫര്‍ ഇടുക്കിയും ഒന്നിക്കുന്ന ജിന്നിന്‍റെ തിരക്കഥ രാജേഷ് ഗോപിനാഥനാണ്. ഗിരീഷ് ഗംഗാധരനാണ് ഛായാഗ്രഹണം നിർവഹിക്കുന്നത്.