ഫാന്‍റസി ഫാമിലി എന്‍റര്‍ടെയ്‌നറായി ഒരുക്കിയിരിക്കുന്ന സിജു വില്‍സണ്‍ സിനിമ 'ഇന്നു മുതലി'ന്‍റെ പുതിയ പോസ്റ്റര്‍ പുറത്തിറങ്ങി. നിരവധി സര്‍പ്രൈസുകള്‍ ഒളിപ്പിച്ച് വെച്ചാണ് നേരത്തെ ടീസര്‍ അണിയറപ്രവര്‍ത്തകര്‍ പുറത്തുവിട്ടിരിക്കുന്നത്.
ഏറെ രസകരമായ ടീസറിന് നല്ല പ്രതികരണവുമാണ് ലഭിച്ചത്. ഇപ്പോള്‍ പുറത്തിറങ്ങിയ പോസ്റ്ററില്‍ സിനിമ ഒടിടി റിലീസായിരിക്കും എന്നും വ്യക്തമാക്കിയിട്ടുണ്ട്. സീ കേരളത്തിലൂടെയും സീ ഫൈവ് ആപ്പിലൂടെയുമായിരിക്കും സിനിമ പ്രേക്ഷകരിലേക്ക് എത്തുക. പുതിയ പോസ്റ്ററില്‍ സിജു വില്‍സണും കുമ്പളങി നൈറ്റ്‌സ് എന്ന സിനിമയിലൂടെ ശ്രദ്ധേയനായ സൂരജ് പോപ്‌സുമാണ് ഉള്ളത്. മുണ്ടും ഷര്‍ട്ടും ധരിച്ച് നീല നിറത്തിലുള്ള ചിറകുകളും വെച്ച് സിജു വില്‍സണിന്‍റെ കഥാപാത്രത്തെ നോക്കി ചിരിക്കുന്ന സൂരജ് തന്നെയാണ് പുതിയ പോസ്റ്ററിലെ ഏറ്റവും കൗതുകകരമായ ഘടകം.
-
INNU MUTHAL - Inspired by true lies World premiering in Zee5 and Zee Keralam Coming soon ☺️ #InnuMuthal...
Posted by Siju Wilson on Friday, 5 March 2021INNU MUTHAL - Inspired by true lies World premiering in Zee5 and Zee Keralam Coming soon ☺️ #InnuMuthal...
Posted by Siju Wilson on Friday, 5 March 2021
അമിത് ചക്കാലക്കല്‍ കേന്ദ്രകഥാപാത്രമായ വാരിക്കുഴിയിലെ കൊലപാതകത്തിന് ശേഷം രജീഷ് മിഥില സംവിധാനം ചെയ്യുന്ന സിനിമ കൂടിയാണ് ഇന്നുമുതല്‍. ഇന്ദ്രന്‍സ്, സൂരജ് പോപ്സ്, ഉദയ് ചന്ദ്ര, നവാസ് വള്ളിക്കുന്ന്, ഗോകുലന്‍, ദിലീപ് ലോഖറെ എന്നിവരാണ് സിനിമയില്‍ മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്. ദി ഗ്രേറ്റ് ഇന്ത്യന്‍ സിനിമാസ് എന്ന ബാനറില്‍ രജീഷ് മിഥില, സംഗീത സംവിധായകന്‍ മെജോ ജോസഫ്, ലിജോ ജയിംസ് എന്നിവരാണ് ചിത്രം നിര്‍മിച്ചിരിക്കുന്നത്. രജീഷ് മിഥില തിരക്കഥ രചിച്ച സിനിമയുടെ സംഗീത സംവിധാനം മെജോ ജോസഫാണ്. ഛായാഗ്രഹണം കൈകാര്യം ചെയ്‌തിരിക്കുന്നത് എല്‍ദോ ഐസക്ക്. ലാല്‍ ബഹുദൂര്‍ ശാസ്ത്രിയാണ് വാരിക്കുഴിയിലെ കൊലപാതകത്തിന് മുമ്പായി രജീഷ് മിഥില സംവിധാനം ചെയ്‌ത സിനിമ.