കുറച്ച് നാളായി തന്‍റെ പേരില്‍ വനിത ഗായകരെ ലക്ഷ്യമിട്ട് തട്ടിപ്പ് നടത്തുന്നതായി സംഗീത സംവിധായകന്‍ ഷാന്‍ റഹ്മാന്‍. തന്‍റെ പേരിൽ തട്ടിപ്പ് നടത്തുന്നതിന്‍റെ വാട്‌സാപ്പ് ചാറ്റ് സ്‌ക്രീന്‍ഷോട്ട് അടക്കം പോസ്റ്റ് ചെയ്‌തുകൊണ്ടാണ് ഷാന്‍ റഹ്‌മാൻ മുന്നറിയിപ്പ് നൽകുന്നത്.
-
പ്രിയ സുഹൃത്തുക്കളേ, കുറച്ചു കാലമായി സംഭവിച്ചുകൊണ്ടിരിക്കുന്ന ഒരു വലിയ തട്ടിപ്പിലേക്ക് നിങ്ങളുടെ ശ്രദ്ധ ക്ഷണിക്കാൻ ഞാൻ...
Posted by Shaan Rahman on Saturday, 26 December 2020
താൻ സംഗീത ചെയ്‌ത പാട്ടുകൾ പാടാനെന്ന കള്ളം പറഞ്ഞ് അനൂപ് കൃഷ്ണന്‍ എന്നയാൾ പലരെയും കബളിപ്പിക്കുന്നു. എന്നാൽ, സ്വന്തം സ്റ്റുഡിയോയില്‍ തന്നെയാണ് റെക്കോര്‍ഡിങ് നടത്തുന്നതെന്നും താൻ തന്നെയാണ് കൂടുതലും ഗായകരെ റെക്കോഡ് ചെയ്യുന്നതെന്നും അദ്ദേഹം ഫേസ്‌ബുക്കിൽ വിശദീകരിച്ചു. "ഞാൻ സ്റ്റേഷന് പുറത്താണെങ്കിൽ, റെക്കോർഡിങ്ങുകൾ മിഥുൻ ജയരാജ്, ബിജു ജെയിംസ്, ഹരിശങ്കർ എന്നിവരായിരിക്കും ചെയ്യുന്നതെന്നും" അതിനാൽ തന്നെ ഇത്തരം ചതിയില്‍ ആരും വീഴരുതെന്നും ഷാന്‍ കൂട്ടിച്ചേർത്തു.