തെലുങ്ക് യുവതാരം സായ് ധരം തേജ് നായകനാകുന്ന ഏറ്റവും പുതിയ സിനിമ റിപ്പബ്ലിക്ക് ജൂണ്‍ നാലിന് തിയേറ്ററുകളിലെത്തും. സിനിമയുടെ പുതിയ പോസ്റ്റര്‍ പങ്കുെവച്ചുകൊണ്ട സായ് തന്നെയാണ് ഇക്കാര്യം പുറത്തുവിട്ടത്. ദേവ കട്ടയാണ് സിനിമ സംവിധാനം ചെയ്യുന്നത്. ചിത്രത്തില്‍ ഒരു ഐഎഎസ് ഓഫീസറുടെ വേഷത്തിലാണ് സായ് എത്തുന്നത്. നേരത്തെ സിനിമയുടെ ടൈറ്റില്‍ ഉള്‍പ്പെടുത്തി ഒരു മോഷന്‍ പോസ്റ്റര്‍ അണിയറപ്രവര്‍ത്തകര്‍ പുറത്തുവിട്ടിരുന്നു. ഒരു സോഷ്യല്‍ ഡ്രാമ വിഭാഗത്തില്‍പ്പെടുന്നതാണ് റിപ്പബ്ലിക് സിനിമ.
സായ് ധരം തേജ് ചിത്രം റിപ്പബ്ലിക്ക് ജൂണില്‍ റിലീസ് ചെയ്യും - സായ് ധരം തേജ് സിനിമകള്‍
ദേവ കട്ടയാണ് സിനിമ സംവിധാനം ചെയ്യുന്നത്. ചിത്രത്തില്‍ ഒരു ഐഎഎസ് ഓഫീസറുടെ വേഷത്തിലാണ് സായ് എത്തുന്നത്
സായ് ധരം തേജ് ചിത്രം റിപ്പബ്ലിക്ക് ജൂണില്‍ റിലീസ് ചെയ്യും
ഏറെ സന്തോഷത്തോടും ആകാംഷയോടും കൂടിയാണ് റിപ്പബ്ലിക്ക് സിനിമയുടെ ഭാഗമാകുന്നതെന്ന് നേരത്തെ സായ് പറഞ്ഞിരുന്നു. തമിഴ് നടി ഐശ്വര്യ രാജേഷാണ് ചിത്രത്തില്‍ നായിക. മണി ശര്‍മ്മയാണ് സിനിമയുടെ സംഗീതം ഒരുക്കുന്നത്. 'സോളോ ബ്രാതുകേ സോ ബെറ്ററാ'ണ് അവസാനമായി റിലീസ് ചെയ്‌ത സായ് ധരം തേജ് സിനിമ. നഭ നടേഷായിരുന്നു ചിത്രത്തില്‍ നായിക. തിയേറ്ററുകള്‍ വീണ്ടും തുറന്ന ശേഷം ആദ്യം റിലീസിനെത്തിയ സിനിമകളില്‍ ഒന്നുകൂടിയായിരുന്നു ഇത്.