ഇരുപത്തിയാറാമത്തെ സ്ക്രീന്‍ ആക്‌ടേഴ്‌സ് ഗില്‍ഡ് അവാർഡിൽ തിളങ്ങി ജോക്കറിലെ നായകനും പാരസൈറ്റും. ഈ വർഷത്തെ ലൈഫ്ടൈം അച്ചീവ്മെന്‍റ് അവാർഡ് ഹോളിവുഡ് നടൻ റോബർട്ട് ഡി നാരോക്കാണ്. മികച്ച നടനായി ജോക്വിൻ ഫീനിക്‌സും (ജോക്കർ) മികച്ച നടിയായി റെനി സെല്‍വെഗറിനെയും (ജൂഡി) തെരഞ്ഞെടുത്തു.
ഗോൾഡൻ ഗ്ലോബിന് ശേഷം ജോക്വിൻ ഫീനിക്‌സ് വീണ്ടും മികച്ച നടൻ; പാരസൈറ്റിനും നേട്ടം
ഈ വർഷത്തെ ലൈഫ്ടൈം അച്ചീവ്മെന്‍റ് അവാർഡ് ഹോളിവുഡ് നടൻ റോബർട്ട് ഡി നാരോക്കാണ്
സ്ക്രീന്‍ ആക്‌ടേഴ്‌സ് ഗില്‍ഡ് അവാർഡ്
സഹതാരത്തിനുള്ള സ്ക്രീന്‍ ആക്‌ടേഴ്‌സ് ഗില്‍ഡ് അവാർഡ് വൺസ് അപ്പോൺ എ ടൈം ഇൻ ഹോളിവുഡ് എന്ന ചിത്രത്തിലൂടെ ബ്രാഡ് പിറ്റും മാര്യേജ് സ്റ്റോറിയിലൂടെ നടി ലോറ ഡേണും നേടി. പാരസൈറ്റിലെ അഭിനയനിരക്ക് മികച്ച കാസ്റ്റിനുള്ള പുരസ്‌കാരവും ലഭിച്ചു. കൂടാതെ, ടെലിവിഷൻ സീരീസിലെ മികച്ച അഭിനേതാക്കളായി സാം റോക്ക്‌വെല്ലിനെയും (ഫോസ് /വെർഡൺ) മിഷേല്‍ വില്യംസിനെയും(ഫോസ് /വെർഡൺ) തെരഞ്ഞെടുത്തു. ഡ്രാമാ സീരീസിലെ മികച്ച പ്രകടനത്തിന് പുരസ്‌കാരം സ്വന്തമാക്കിയത് പീറ്റര്‍ ഡിങ്ക്ലേജും (ഗെയിം ഓഫ് ത്രോൺസ്) ജെന്നിഫർ ആനിസ്റ്റണും (ദി മോർണിങ് ഷോ) ആണ്.