ലോകമെമ്പാടും ആരാധകരുള്ള സൂപ്പർതാരമാണ് രജനികാന്ത്. ജപ്പാനിലും സ്റ്റൈൽ മന്നന്‍റെ ചിത്രങ്ങളെ വലിയ ആഘോഷമായാണ് ആരാധകർ ഏറ്റെടുക്കാറുള്ളത്. ഇപ്പോഴിതാ, എ.ആർ മുരുകദോസിന്‍റെ സംവിധാനത്തിൽ പുറത്തിറങ്ങിയ ദർബാർ ചിത്രം ജപ്പാനിൽ റി- റിലീസ് ചെയ്‌തിരിക്കുകയാണ്. നിറഞ്ഞ സദസ്സുകളിൽ വലിയ ആഘോഷത്തോടെയാണ് ചിത്രം ഓടുന്നത്. ഇന്ത്യയിലെ റിലീസിനേക്കാൾ ഗംഭീരപ്രതികരണമാണ് ദർബാറിന് ലഭിക്കുന്നത്.
ജപ്പാൻ തിയേറ്ററുകളിൽ ദർബാർ റിലീസിനെ ആഘോഷമാക്കുന്ന കാണികളുടെ വീഡിയോകളും ചിത്രങ്ങളും ട്വിറ്ററിൽ വൈറലാവുന്നു. ദർബാർ ബ്ലോക്ക്‌ബസ്റ്റർ ഓൺട്രെൻഡിങ് എന്ന ഹാഷ്‌ടാഗിലാണ് ട്വിറ്ററിൽ രജനിചിത്രം ട്രെൻഡിങ്ങിലാവുന്നത്.