അമേരിക്കയിൽ വൈദ്യ പരിശോധനക്ക് പോയ സൂപ്പർസ്റ്റാർ രജനികാന്ത് ചെന്നൈയിൽ തിരിച്ചെത്തി. ആരോഗ്യ പരിശോധനകൾ പൂർത്തിയാക്കി വെള്ളിയാഴ്‌ച ചെന്നൈ വിമാനത്താവളത്തിൽ എത്തിച്ചേർന്ന തലൈവയെ വൻ ആരാധകവൃന്ദമാണ് വരവേറ്റത്.
വിമാനത്താവളത്തിൽ നിന്ന് കാറിലേക്ക് കയറുന്ന രജനികാന്തിനെ കാണാൻ തടിച്ചുകൂടിയ ആരാധകർ, തലൈവാ എന്ന് വിളിച്ച് താരത്തെ വരവേൽക്കുകയുമായിരുന്നു.
ഇക്കഴിഞ്ഞ ജൂണിലാണ് അണ്ണാത്തയുടെ ഷൂട്ടിങ് പൂർത്തിയാക്കി ദിവസങ്ങൾക്കുള്ളിൽ രജനികാന്ത് അമേരിക്കയിലേക്ക് പറന്നത്. എല്ലാ വർഷവും താരം വൈദ്യപരിശോധനക്കായി യുഎസിലേക്ക് പോകാറുണ്ട്. എന്നാൽ, 2020ലെ ലോക്ക് ഡൗണിൽ രജനികാന്തിന് മെഡിക്കൽ ചെക്കപ്പിന് പോകാൻ സാധിച്ചിരുന്നില്ല.
More Read: അമേരിക്കയിലേക്ക് തിരിച്ച് രജിനികാന്ത് ; മടക്കം ജൂലൈയില്‍
കൊവിഡ് വാക്‌സിൻ സ്വീകരിച്ച ശേഷമായിരുന്നു താരത്തിന്‍റെ യുഎസ് യാത്ര. വൈദ്യപരിശോധനക്ക് അമേരിക്കയിലെത്തിയ രജനികാന്തിനൊപ്പം മകൾ ഐശ്വര്യ ധനുഷും നടനും മരുമകനുമായ ധനുഷും ഉണ്ടായിരുന്നു.