തലൈവയുടെ പുത്തൻ ചിത്രം 'അണ്ണാത്ത'യുടെ ഫസ്റ്റ് ലുക്ക് പോസ്റ്ററും മോഷൻ പോസ്റ്ററും വെള്ളിയാഴ്‌ച പുറത്തുവിട്ടിരുന്നു. 2021ലെ ദീപാവലി റിലീസായി തമിഴ് ചിത്രം നവംബർ നാലിന് തിയേറ്ററുകളിലെത്തുമെന്നാണ് പ്രഖ്യാപനം.
അണ്ണാത്തയും മാനാടും ഒന്നിച്ച് തിയേറ്ററുകളിലേക്ക്
എന്നാൽ, സ്റ്റൈൽ മന്നന്‍റെ ചിത്രത്തിനൊപ്പം തിയേറ്ററിലേക്ക് മറ്റൊരു ചിത്രം കൂടി റിലീസിന് എത്തുന്നുവെന്നതാണ് ഏറ്റവും പുതിയ വാർത്ത. സിലമ്പരസൻ നായകനാകുന്ന മാനാട് എന്ന പൊളിറ്റിക്കല്‍ ത്രില്ലറും നവംബർ നാലിന് തിയേറ്ററുകളിൽ റിലീസ് ചെയ്യുമെന്ന് അണിയറപ്രവർത്തകർ അറിയിച്ചു.
2018ലായിരുന്നു ചിമ്പുവും സംവിധായകൻ വെങ്കട് പ്രഭുവും ആദ്യമായി ഒന്നിക്കുന്ന ചിത്രത്തിന്‍റെ പ്രഖ്യാപനം.നായകനും നിർമാതാവ് സുരേഷ് കാമാക്ഷിക്കും ഇടയിലുണ്ടായ അഭിപ്രായവ്യത്യാസങ്ങൾ സിനിമ നീണ്ടുപോകാൻ കാരണമായി. മലയാളിതാരം കല്യാണി പ്രിയദര്‍ശൻ നായികയാകുന്ന ചിത്രത്തിൽ ചിമ്പുവിന്‍റെ കഥാപാത്രത്തിന്‍റെ പേര് അബ്‍ദുള്‍ ഖാലിഖ് എന്നാണ്. പ്രശസ്‌ത സംഗീതജ്ഞൻ യുവൻ ശങ്കർ രാജയാണ് ഗാനങ്ങൾ ഒരുക്കുന്നത്.
Also Read: തലൈവയുടെ 'അണ്ണാത്ത' ദീപാവലിക്ക് തന്നെ ; റിലീസ് തിയ്യതി പുറത്ത്
അതേസമയം, രജനി ആരാധകർ ആവേശത്തോടെ കാത്തിരിക്കുന്ന അണ്ണാത്ത സംവിധാനം ചെയ്യുന്നത് സിരുത്തൈ ശിവയാണ്. ചിത്രത്തിൽ നയൻതാര രജനികാന്തിന്‍റെ നായികയാകുന്നു. സൺ പിക്ചേഴ്‌സും കലാനിധി മാരനും ചേർന്നാണ് നിര്‍മാണം.
