കേരളത്തിൽ ഷൂട്ടിങ്ങിന് അനുമതി നൽകാത്ത സാഹചര്യത്തിൽ മലയാള സിനിമകളുടെ ലൊക്കേഷനുകൾ അയൽസംസ്ഥാനങ്ങളിലേയ്ക്ക് മാറ്റുന്നുവെന്ന് നിർമാതാവും മുതിർന്ന പ്രൊഡക്ഷൻ കൺട്രോളറുമായ ഷിബു ജി. സുശീലൻ. പൃഥ്വിരാജ് സംവിധാനം ചെയ്യുന്ന ബ്രോ ഡാഡി ഉൾപ്പടെയുള്ള സിനിമകൾ പുറത്തെ സംസ്ഥാനങ്ങളിൽ ചിത്രീകരിക്കാനുള്ള തീരുമാനത്തിലേക്ക് നിർമാതാക്കൾ നീങ്ങുകയാണെന്ന് ഷിബു ജി. സുശീലൻ ഫേസ്ബുക്കിലൂടെ അറിയിച്ചു.
നിർമാണത്തിനായി സിനിമ കേരളം വിടുമ്പോൾ, മലയാളി സിനിമാ തൊഴിലാളികൾക്ക് ജോലി നഷ്‌ടപ്പെടുന്നുവെന്നും ഇവർ മുഴുപട്ടിണിയിലാണെന്നും അദ്ദേഹം ചൂണ്ടിക്കാട്ടി. സിനിമ മന്ത്രിയും സംസ്ഥാന മുഖ്യമന്ത്രിയും അടിയന്തരമായി ഇടപ്പെട്ട് നിയന്ത്രണങ്ങളോടെ സിനിമാ ഷൂട്ടിന് അനുമതി നൽകണമെന്നും നിർമാതാവ് ഷിബു ജി. സുശീലൻ അഭ്യർഥിച്ചു.
ഷിബു ജി. സുശീലന്‍റെ ഫേസ്ബുക്ക് കുറിപ്പ്
'ഷൂട്ടിങ് കേരളത്തിൽ നിന്ന് പുറത്തേക്ക്.. കേരളത്തിൽ സിനിമ ഷൂട്ടിങ്ങിന് സർക്കാർ അനുമതി നൽകാത്തതുകൊണ്ട് പൃഥ്വിരാജ് ഡയറക്റ്റ് ചെയ്യുന്ന സിനിമ ചിത്രീകരണ അനുമതിയുള്ള അയൽ സ്റ്റേറ്റുകളിലേക്ക് പോകുന്നു...ഇന്ന് രാവിലെ തീർപ്പ് സിനിമയുടെ ഡബ്ബിങ്ങിന് വന്നപ്പോൾ പൃഥ്വിരാജ് എന്നോട് പറഞ്ഞതാണ്....