അച്ഛന്‍റെ പഴയകാലം ചിത്രം പങ്കുവെച്ച് നടൻ പൃഥ്വിരാജ്. ഒപ്പം, ചിത്രം അയച്ചുതന്നതിന് അഞ്ജലി മേനോന് താരം നന്ദിയും അറിയിച്ചു. സുകുമാരന്‍ അഭിനയിച്ച 'വളര്‍ത്തുമൃഗങ്ങള്‍' എന്ന സിനിമയിലെ ഓർമചിത്രമാണ് പൃഥ്വിരാജ് ഫേസ്ബുക്കിലൂടെ പങ്കുവെച്ചത്. "ഡെയര്‍ഡെവിള്‍ ഭാസ്‌കരനായി അച്ഛന്‍. വളർത്തുമൃഗങ്ങൾ. ഈ ചിത്രം അയച്ചു തന്നതിന് അഞ്ജലി മേനോന് നന്ദി,'' പൃഥ്വിരാജ് കുറിച്ചു.
-
Achan as “Daredevil Bhaskaran”. #ValarthuMrugangal Thank you Anjali Menon for sending me this ❤️
Posted by Prithviraj Sukumaran on Tuesday, 16 February 2021
കൂടെ, മഞ്ചാടിക്കുരു ചിത്രങ്ങളിലൂടെ സുഹൃത്തായ സംവിധായിക അഞ്ജലി മേനോനാണ് താരത്തിന് ബ്ലാക്ക് ആൻഡ് വൈറ്റ് ചിത്രം അയച്ചുകൊടുത്തത്. ഹരിഹരന്‍റെ സംവിധാനത്തിൽ 1981ൽ റിലീസ് ചെയ്‌ത വളർത്തുമൃഗങ്ങൾ മികച്ച തിരക്കഥയടക്കം സംസ്ഥാന പുരസ്‌കാരം സ്വന്തമാക്കിയിട്ടുണ്ട്. എം.ടി വാസുദേവൻ നായരാണ് ചിത്രത്തിന്‍റെ തിരക്കഥ എഴുതിയത്. സുകുമാരനൊപ്പം മാധവി, രതീഷ് എന്നിവരായിരുന്നു ചിത്രത്തിലെ പ്രധാന താരങ്ങളായത്.