എറണാകുളം: നവാഗതനായ തനു ബാലകിന്‍റെ സംവിധാനത്തിൽ പൃഥ്വിരാജ് നായകനാവുന്ന ഏറ്റവും പുതിയ ചിത്രമാണ് 'കോൾഡ് കേസ്'. ഇൻവെസ്റ്റിഗേഷൻ ത്രില്ലർ പ്രമേയത്തിൽ ഒരുങ്ങുന്ന ചിത്രത്തിൽ എസിപി സത്യജിത് എന്ന കഥാപാത്രമായാണ് പൃഥ്വിരാജ് എത്തുന്നത്.
സിനിമയുടെ ലൊക്കേഷനിൽ നിന്നും കാക്കി ധരിച്ചുള്ള താരത്തിന്‍റെ ചിത്രങ്ങൾ കഴിഞ്ഞ ദിവസങ്ങളിൽ സമൂഹമാധ്യമങ്ങളിൽ വൈറലായിരുന്നു. ഇപ്പോൾ ഷൂട്ടിങ്ങ് ലൊക്കേഷനിൽ നിന്നും സാധാരണ വേഷത്തിൽ നിൽക്കുന്ന ചിത്രമാണ് പൃഥ്വിരാജ് ട്വിറ്ററിൽ പങ്കുവച്ചത്.
-
ACP Satyajith. #ColdCase Shoot in progress! 😊 Cold Case Malayalam Movie
Posted by Prithviraj Sukumaran on Tuesday, 24 November 2020
ഒക്ടോബർ 31നാണ് കോൾഡ് കേസ് സിനിമയുടെ ചിത്രീകരണം തിരുവനന്തപുരത്ത് ആരംഭിച്ചത്. ആന്‍റോ ജോസഫ്, ജോമോൻ ടി. ജോൺ, ഷമീർ മുഹമ്മദ് എന്നിവർ ചേർന്നാണ് ചിത്രം നിർമിക്കുന്നത്. യഥാർത്ഥ സംഭവങ്ങളെ അടിസ്ഥാനമാക്കി ഒരുക്കുന്ന ചിത്രത്തിന്‍റെ തിരക്കഥ തയ്യാറാക്കിയിരിക്കുന്നത് ശ്രീനാഥ്‌ വി. നാഥാണ്. സിനിമയിൽ അന്വേഷണ ഉദ്യോഗസ്ഥനായാണ് പൃഥ്വിരാജ് എത്തുന്നത്. അരുവി ഫെയിം അതിഥി ബാലനാണ് കോൾഡ് കേസിലെ നായിക. ഗിരീഷ് ഗംഗാധരനാണ് ഛായാഗ്രഹണം.