Puthiyoru Lokam video song: വിനീത് ശ്രീനിവാസന്‍- പ്രണവ്‌ മോഹന്‍ലാല്‍ കൂട്ടുകെട്ടിലൊരുങ്ങിയ സൂപ്പര്‍ഹിറ്റ്‌ റൊമാന്‍റിക്‌ ചിത്രമാണ് 'ഹൃദയം'. ജനുവരി 21ന്‌ തിയേറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിച്ചു കൊണ്ടിരിക്കുന്നത്‌. ഗാനങ്ങള്‍ക്ക്‌ പ്രാധന്യമുള്ള ചിത്രത്തിലെ ഇതുവരെ പുറത്തുവിട്ട ഗാനങ്ങളെല്ലാം വന്‍ ഹിറ്റായിരുന്നു.
ഇപ്പോള്‍ ചിത്രത്തിലെ പുതിയൊരു ഗാനം അണിയറപ്രവര്‍ത്തകര്‍ പുറത്തുവിട്ടിരിക്കുകയാണ്. 'പുതിയൊരു ലോക'മെന്ന്‌ തുടങ്ങുന്ന വീഡിയോ ഗാനമാണ് അണിയറപ്രവര്‍ത്തകര്‍ പുറത്തുവിട്ടിരിക്കുന്നത്‌. വിമല്‍ റോയും ഭദ്ര രജിനും ചേര്‍ന്നാണ് ഗാനാലാപനം. കൈതപ്രത്തിന്‍റെ രചനയില്‍ ഹിഷാം ആണ് സംഗീതം.
Hridayam songs: ഹൃദയത്തിലെ ഗാനങ്ങള്‍ കാസറ്റായും എത്തുമെന്നതാണ് ചിത്രത്തിന്‍റെ പ്രത്യേകതകളിലൊന്ന്‌. സംഗീതത്തിന് ഏറെ പ്രാധാന്യമുള്ള ചിത്രത്തില്‍ ആകെ 15 ഗാനങ്ങളാണുള്ളത്‌. കൈതപ്രം, വിനീത്, അരുണ്‍, ആലാട്ട്‌, ബുല്ലേ ഷാ എന്നിവരുടെ വരികള്‍ക്ക്‌ ഹിഷാം അബ്‌ദുല്‍ വഹാബ്‌ ആണ് സംഗീതം.
Hridayam cast and crew: ദര്‍ശനയും കല്യാണി പ്രിയദര്‍ശനുമാണ് ചിത്രത്തില്‍ പ്രണവിന്‍റെ നായികയായെത്തുന്നത്. ഇവരെ കൂടാതെ അജു വര്‍ഗീസ്, ബൈജു സന്തോഷ്, അരുണ്‍ കുര്യന്‍, വിജയരാഘവന്‍ തുടങ്ങിയവരും ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്‌.
മെറിലാന്‍ഡ് സിനിമാസിന്‍റെ ബാനറില്‍ വിശാഖ്‌ സുബ്രഹ്മണ്യമാണ് ചിത്രത്തിന്‍റെ നിര്‍മാണം. 'ജേക്കബിന്‍റെ സ്വര്‍ഗരാജ്യം' പുറത്തിറങ്ങി അഞ്ച് വര്‍ഷങ്ങള്‍ക്ക് ശേഷം വിനീത് ശ്രീനിവാസന്‍ സംവിധാനം ചെയ്യുന്ന ചിത്രം കൂടിയാണിത്. ഒരു കാലത്ത് മലയാള സിനിമയിലെ പ്രശസ്‌ത ബാനറായിരുന്ന മെറിലാന്‍ഡിന്‍റെ നീണ്ട 42 വര്‍ഷത്തെ ഇടവേളയ്‌ക്ക് ശേഷമുള്ള തിരിച്ചുവരവ് കൂടിയാണ് 'ഹൃദയം'.
വിശ്വജിത്ത് ഒടുക്കത്തില്‍ ആണ് ഛായാഗ്രഹണം നിര്‍വഹിച്ചിരിക്കുന്നത്‌. എഡിറ്റിംഗ്‌ രഞ്ജന്‍ എബ്രഹാമും, വസ്‌ത്രാലങ്കാരം ദിവ്യ ജോര്‍ജും, സംഘട്ടനം മാഫിയ ശശിയും, ചമയം ഹസന്‍ വണ്ടൂരും നിര്‍വഹിച്ചു. അനില്‍ എബ്രഹാം ആണ് ചീഫ് അസോസിയേറ്റ് ഡയറക്‌ടര്‍. ആന്‍റണി തോമസ് മാങ്കാലി അസോസിയേറ്റ് ഡയറക്‌ടറുമാണ്.
Also Read: 16 ദിവസങ്ങള്‍ക്ക്‌ ശേഷം വീട്ടില്‍ മടങ്ങിയെത്തിയ അല്ലു അര്‍ജുന്‌ മകളുടെ ഊഷ്‌മള വരവേല്‍പ്പ്‌
