ക്യാമറയെ തന്‍റെ ശരീരത്തിലെ ഒരു അവയവമായും ഫോട്ടോഗ്രഫിയെ ജീവശ്വാസമായും സ്നേഹിച്ചിരുന്ന വ്യക്തിയായിരുന്നു ശിവന്‍. ചരിത്രം പകര്‍ത്താന്‍ ഭാഗ്യം സിദ്ധിച്ച പ്രതിഭ.... ക്യാമറ ഒരു കൗതുക വസ്തുവല്ലെന്നും അതുകൊണ്ട് പല അത്ഭുതങ്ങളും ചെയ്യാന്‍ കഴിയുമെന്നും ശിവന്‍ തന്‍റെ ഫോട്ടോഗ്രഫി ജീവിതത്തിലൂടെ തെളിയിച്ചു.
അന്തരിച്ച ശിവനെക്കുറിച്ച് മകനും ഛായാഗ്രാഹകനുമായ സന്തോഷ് ശിവൻ സംവിധാനം ചെയ്ത ഡോക്യുമെന്‍ററി 'ശിവനയന'ത്തിന്‍റെ ട്രെയിലർ പുറത്തിറങ്ങി. കേരള മീഡിയ അക്കാഡമി നിർമിക്കുന്ന ഡോക്യുമെന്‍ററിയുടെ ട്രെയിലർ നടൻ പൃഥ്വിരാജ് ആണ് പുറത്തുവിട്ടത്.