വിവാഹം, ഗര്‍ഭധാരണം എന്നിവ സംബന്ധിച്ച് തന്‍റെ പേരില്‍ പ്രചരിക്കുന്ന വിവാദങ്ങളില്‍ ആദ്യമായി പ്രതികരിച്ച് നടിയും ബംഗാള്‍ എംപിയുമായ നുസ്രത്ത് ജഹാന്‍. തുർക്കി നിയമപ്രകാരമാണ് 2019ല്‍ വ്യവസായിയായ നിഖില്‍ ജെയ്‌നുമായി തന്‍റെ വിവാഹം നടന്നതെന്ന് ഒരു അഭിമുഖത്തില്‍ നടി പറഞ്ഞു.
ഇന്ത്യയില്‍ വിവാഹം രജിസ്റ്റര്‍ ചെയ്‌തിട്ടില്ലാത്തതിനാല്‍ ആ ബന്ധത്തിന് ഇവിടെ നിയമസാധുതയില്ല. തന്‍റെ അനുവാദം ഇല്ലാതെ അക്കൗണ്ടില്‍ നിന്ന് നിഖില്‍ പണമിടപാടുകള്‍ നടത്തിയതായും നുസ്രത്ത് ആരോപിച്ചു. അതേസമയം 2020 മുതല്‍ തങ്ങള്‍ പിരിഞ്ഞ് താമസിക്കുകയാണെന്ന് നിഖില്‍ ജെയ്‌നും അറിയിച്ചു.
നുസ്രത്ത്-നിഖില്‍ വിവാഹം
തുര്‍ക്കിയിലെ ബോഡ്രമില്‍ വെച്ചാണ് നുസ്രത്തും നിഖിലും 2019 ജൂണില്‍ വിവാഹിതരായത്. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില്‍ പങ്കെടുത്തത്.