Nayanthara Godfather first look: മോഹന്‍ലാല്‍-പൃഥ്വിരാജ്‌ കൂട്ടുകെട്ടിലൊരുങ്ങിയ ബ്ലോക്‌ബസ്‌റ്റര്‍ ചിത്രം ലൂസിഫറിന്‍റെ തെലുങ്ക്‌ റീമേക്ക്‌ 'ഗോഡ്‌ഫാദറി'ന്‍റെ ചിത്രീകരണം പുരോഗമിക്കുകയാണ്. ചിത്രത്തിലെ നയന്‍താരയുടെ ലുക്ക്‌ സോഷ്യല്‍ മീഡിയയില്‍ ശ്രദ്ധ നേടുകയാണ്. തമിഴിലെ സൂപ്പര്‍ഹിറ്റ്‌ സംവിധായകന്‍ മോഹന്‍രാജ (ജയം രാജ) ആണ് താരത്തിന്‍റെ ലുക്ക്‌ പുറത്തുവിട്ടിരിക്കുന്നത്‌.
Lucifer Telugu remake Godfather: ലൂസിഫറില്‍ മഞ്ജു വാര്യര്‍ അവതരിപ്പിച്ച പ്രിയദര്‍ശിനി എന്ന കഥാപാത്രത്തെയാണ് തെലുങ്കില്‍ നയന്‍താര പുനരവതരിപ്പിക്കുന്നത്‌. ചിരഞ്ജീവിയെ നായകനാക്കി മോഹന്‍രാജ സംവിധാനം ചെയ്യുന്ന ചിത്രമാണിത്‌. മോഹന്‍ലാല്‍ അനശ്വരമാക്കിയ സ്‌റ്റീഫന്‍ നെടുമ്പള്ളിയായി തെലുങ്കില്‍ ചിരഞ്ജീവി എത്തുമ്പോള്‍ കഥാപാത്രത്തിന്‍റെ ഭൂതകാലം മലയാളത്തില്‍ നിന്നും വ്യത്യസ്ഥമായിരിക്കുമെന്നും റിപ്പോര്‍ട്ടുണ്ട്‌. ലൂസിഫര്‍ തെലങ്കില്‍ എത്തുമ്പോള്‍ നിരവധി മാറ്റങ്ങള്‍ ഉണ്ടാകുമെന്ന് നേരത്തെ സംവിധായകന്‍ വെളിപ്പെടുത്തിയിരുന്നു.