റിയാലിറ്റി ഷോയിലൂടെ പ്രേക്ഷകരുടെ മനം കവർന്ന് മലയാള സിനിമയിലേക്ക് ചേക്കേറിയ ഗായകനാണ് നജീം അർഷാദ്. മലയാളത്തിന് പുറമെ, തമിഴ്, തെലുങ്ക്, ഹിന്ദി ഭാഷകളിലടക്കം യുവഗായകന്‍റെ ശബ്‌ദം എത്തിക്കഴിഞ്ഞു.
കെട്ട്യോളാണ് എന്‍റെ മാലാഖ ചിത്രത്തിലെ 'ആത്മാവിലെ വാനങ്ങളിൽ' എന്ന ഗാനത്തിലൂടെ മികച്ച ഗായകനുള്ള സംസ്ഥാന പുരസ്‌കാരവും അദ്ദേഹം സ്വന്തമാക്കി. ഇപ്പോഴിതാ, തന്‍റെയും മാതാപിതാക്കളുടെയും മതത്തെ ചൊല്ലി ചില ഓൺലൈൻ വാർത്താ മാധ്യമങ്ങളും സമൂഹമാധ്യമങ്ങളും പ്രചരിപ്പിക്കുന്ന വാർത്തകൾക്കെതിരെ പ്രതികരിക്കുകയാണ് നജീം അർഷാദ്.
നജീം മുസ്‌ലീമാണെന്ന് കരുതിയവർക്ക് മുന്നിൽ അമ്മ മതം മാറിയ വിശേഷങ്ങൾ ഗായകൻ പങ്കുവക്കുകയാണെന്ന് പറഞ്ഞുകൊണ്ടുള്ള വാർത്തകൾക്കെതിരെയാണ് ഗായകൻ രംഗത്തെത്തിയത്.
Also Read: 'വിക്രം' തുടങ്ങി; കമൽ ഹാസൻ വീണ്ടും കാമറക്ക് മുന്നിൽ
തന്‍റെ ഉമ്മയുടെ പേര് റഹ്മ എന്നാണെന്നും പേര് മാറ്റിയിട്ട് 45 വർഷം ആയെന്നും നജീം പറഞ്ഞു. വാപ്പയുടെ പേര് ഷാഹുൽ ഹമീദ് എന്നും ഇസ്ലാം ചുറ്റുപാടിലാണ് ജനിച്ചു വളർന്നതെന്നും നജീം ഫേസ്ബുക്കിൽ വിശദമാക്കി. വിവാഹശേഷം ഉമ്മ കൺവേർട്ടഡായെന്നും നജീം അർഷാദ് ഫേസ്ബുക്ക് പോസ്റ്റിൽ പറഞ്ഞു.