സാമന്ത അക്കിനേനി സാമന്ത പ്രഭു ആയതിന് പിന്നാലെ, താരജോഡികൾ തമ്മിൽ പിരിയുകയാണെന്ന തരത്തിൽ അഭ്യൂഹം ശക്തിപ്പെടുകയാണ്. സാമന്തയും നാഗചൈതന്യയും തമ്മിൽ സ്വരച്ചേർച്ചയിൽ അല്ലെന്നും വിവാഹമോചനത്തിനായി ഇരുവരും കുടുംബകോടതിയെ സമീപിച്ചെന്നുമാണ് റിപ്പോർട്ടുകൾ. എന്നാൽ, നാഗാർജുനയും കുടുംബാംഗങ്ങളും വിഷയത്തിൽ ഇടപെട്ട് ഇവർ തമ്മിലുള്ള പ്രശ്‌നം പരിഹരിക്കാൻ ശ്രമിക്കുന്നുണ്ടെന്നും വിവരമുണ്ട്.
അതിനിടെയാണ് ഇരുവരും തമ്മിൽ സമൂഹമാധ്യമങ്ങളിൽ നടത്തിയ ആശയവിനിമയം ശ്രദ്ധയാകര്‍ഷിക്കുന്നത്. നാഗചൈതന്യ നായകനാകുന്ന ലവ്‌ സ്റ്റോറി എന്ന ചിത്രത്തിന്‍റെ ട്രെയ്‌ലര്‍ തിങ്കളാഴ്‌ച പുറത്തുവന്നിരുന്നു. ഇതുസബംന്ധിച്ച നാഗചൈതന്യയുടെ ട്വീറ്റിനോട് പ്രതികരിച്ച് സാമന്തയെത്തി.