ഒരു മാസത്തോളം നീണ്ട കാത്തിരിപ്പിനൊടുവില്‍ ജനവിധി പുറത്തുവന്നപ്പോള്‍ എല്‍ഡിഎഫ് കേരളത്തെ നേടുന്ന കാഴ്ചയായിരുന്നു. വീണ്ടും വലിയ വിജയങ്ങള്‍ തങ്ങളുടെ പേരില്‍ എഴുതിച്ചേര്‍ത്ത എല്‍ഡിഎഫ് മുന്നണിയെയും അമരക്കാരന്‍ പിണറായി വിജയനെയും ആശംസകള്‍ കൊണ്ട് മൂടുകയാണ് സിനിമ ലോകം. ഹരീഷ് പേരടി, റിമ കല്ലിങ്കല്‍, റോഷന്‍ ആന്‍ഡ്രൂസ് എന്നിവരെല്ലാം സോഷ്യല്‍മീഡിയ വഴി ആശംസകള്‍ നേര്‍ന്നു.
പിണറായി വിജയന് ഒരു മുഖ്യമന്ത്രി മാത്രമല്ല ഒരു പ്രധാനമന്ത്രിയുമാണെന്നും. ഇങ്ങനെയായിരിക്കണം നമ്മള്‍ സ്വപ്നം കാണേണ്ട പ്രധാനമന്ത്രിയെന്നും എല്ലാ ദുരന്തമുഖത്തും തള്ള കോഴി കുഞ്ഞുങ്ങളെ കാത്ത് രക്ഷിക്കുന്നതുപോലെ ഞങ്ങളെ നിശ്ചയ ദാര്‍ഢ്യത്തിന്‍റെ ആ വലിയ ചിറകിനടിയില്‍ പിണറായി വിജയന് സംരക്ഷിച്ചുവെന്നുമാണ് ഹരീഷ് പേരടി കുറിച്ചത്.
കേരളത്തില്‍ ഇടത് കാറ്റ് ആഞ്ഞടിക്കുകയാണെന്നും ഈ മിന്നും വിജയം ആഘോഷിക്കുന്നുവെന്നുമാണ് റോഷന്‍ ആന്‍ഡ്രൂസ് പിണറായി വിജയന് ഒപ്പമുള്ള ചിത്രം പങ്കുവച്ചുകൊണ്ട് കുറിച്ചത്.
-
ഇതാണ് ശരി..... (തുടരും)
Posted by Rosshan Andrrews on Sunday, 2 May 2021