2017ൽ ഐഎഫ്എഫ്കെയുടെ മത്സര വിഭാഗത്തിൽ പ്രേക്ഷക ശ്രദ്ധ നേടിയ രണ്ടു പേർ ജൂലൈ 9 മുതൽ ഒടിടി പ്ലാറ്റ്ഫോമുകളിലൂടെ പ്രേക്ഷകനു മുന്നിലേക്ക്. നീ സ്ട്രീം, കേവ്, കൂടെ, സൈന പ്ലേ എന്നീ ഒടിടി പ്ലാറ്റ്‌ഫോമുകളിലൂടെയാണ് സിനിമ റിലീസ് ചെയ്യുന്നത്. നവാഗതനായ പ്രേം ശങ്കർ ആണ് സിനിമയുടെ സംവിധാനം നിർവഹിച്ചിരിക്കുന്നത്.
ഒരു രാത്രിയിൽ രണ്ട് അപരിചിതരുടെ ബെംഗളുരു നഗരത്തിലൂടെയുള്ള കാർ യാത്രയാണ് സിനിമയുടെ പ്രമേയം. പുതുമയുള്ള മേക്കിങ്ങിലൂടെയാണ് സിനിമ ഐഎഫ്എഫ്കെയിൽ ശ്രദ്ധിക്കപ്പെടുന്നത്.