ജനപ്രിയ പരമ്പര മണി ഹീസ്റ്റിന്‍റെ അഞ്ചാം സീസണിന്‍റെ റിലീസ് തിയ്യതി പുറത്തുവിട്ടു. മണി ഹീസ്റ്റിന്‍റെ അവസാന സീസൺ രണ്ട് ഭാഗങ്ങളായാണ് പുറത്തിറങ്ങുന്നത്. സെപ്റ്റംബര്‍ മൂന്നിന് ആദ്യ ഭാഗവും ഡിസംബര്‍ മൂന്നിന് രണ്ടാം ഭാഗവും റിലീസ് ചെയ്യും. സീരീസിന്‍റെ പുതിയ ടീസർ പുറത്തുവിട്ടുകൊണ്ടാണ് അണിയറപ്രവർത്തകർ റിലീസ് തിയ്യതി പ്രഖ്യാപിച്ചത്.
ഓരോ ഭാഗത്തിലും അഞ്ച് എപ്പിസോഡുകള്‍ വീതം ആകെ പത്ത് എപ്പിസോഡുകളായാണ് സീരീസ് ക്രമീകരിച്ചിരിക്കുന്നത്. അലെക്സ് പിന സംവിധാനം ചെയ്‌ത സ്പാനിഷ് സീരീസിൽ അൽവാരോ മോർട്ടെയാണ് കേന്ദ്രകഥാപാത്രമായ പ്രൊഫസറുടെ വേഷം ചെയ്‌തത്.