വീണ്ടും പിണറായി വിജയന്‍ സര്‍ക്കാര്‍ അധികാരമേറ്റിരിക്കുകയാണ്. എന്നാൽ, പഴയ കാപ്റ്റന്‍റെ തട്ടകത്തിലുള്ളതെല്ലാം പുതിയ പോരാളികളാണ്. 20 മന്ത്രിമാരിൽ 17 പേരും ആദ്യമായാണ് മന്ത്രിക്കുപ്പായമണിയുന്നത്. 15-ാമത് മന്ത്രിസഭയിലേക്കുള്ള പ്രതീക്ഷകൾക്കും അതിനാൽ പുതുമയേറുന്നു.
സമഗ്രമേഖലകളിലും പുതിയ മാറ്റങ്ങൾ ഉണ്ടാവട്ടെയെന്നാണ് മലയാളത്തിന്‍റെ സൂപ്പർതാരം മോഹൻലാൽ പറഞ്ഞത്. ഇന്ന് സത്യപ്രതിജ്ഞ ചെയ്‌ത് അധികാരത്തിലെത്തിയ മുഖ്യമന്ത്രിക്ക് ആശംസയറിച്ചുകൊണ്ടുള്ള പോസ്റ്റിലാണ് മോഹൻലാൽ പ്രതീക്ഷ പങ്കുവച്ചത്.