Mohanlal Requests Audience : മോഹന്‍ലാലിന്‍റെ ഏറ്റവും പുതിയ ചിത്രമാണ് 'ആറാട്ട്‌'. ബി.ഉണ്ണിക്കൃഷ്‌ണന്‍ സംവിധാനം ചെയ്യുന്ന ചിത്രം ഫെബ്രുവരി 18നാണ് തിയേറ്ററുകളിലെത്തുക. കൂടാതെ പ്രണവ് മോഹന്‍ലാല്‍ ചിത്രം ഹൃദയം തിയേറ്ററുകളില്‍ പ്രദര്‍ശിപ്പിച്ചുവരികയുമാണ്. ഈ സാഹചര്യത്തിലായി ഹൃദയസ്‌പര്‍ശിയായ കുറിപ്പുമായി രംഗത്തെത്തിയിരിക്കുകയാണ് താരം. പ്രേക്ഷകരോട്‌ തിയേറ്ററില്‍ പോയി സിനിമ കാണണമെന്ന അപേക്ഷയുമായാണ് താരം ഫേസ്‌ബുക്കിലെത്തിയിരിക്കുന്നത്‌.
'എല്ലാ പ്രിയപ്പെട്ടവര്‍ക്കും എന്‍റെ നമസ്‌കാരം,
മഹാമാരിക്കിടയിലും നമ്മുടെ നഗരങ്ങള്‍ ആശങ്കയുടെ നിയന്ത്രണങ്ങളില്‍ നിന്ന്‌ പതിയെ പുറത്തുവരികയാണ്. കേരളത്തിലെ നഗരങ്ങളെല്ലാം സി കാറ്റഗറിയില്‍ നിന്ന്‌ മാറിയതോടെ തിയേറ്ററുകളും ജിമ്മുമടക്കമുള്ള പൊതു ഇടങ്ങള്‍ നിയന്ത്രണത്തോടെയെങ്കിലും തുറക്കുന്നതില്‍ നിങ്ങള്‍ക്കൊപ്പം എനിക്കും സന്തോഷമുണ്ട്‌.
സമ്മര്‍ദങ്ങള്‍ എല്ലാത്തിനും അല്‍പം ഇടവേള നല്‍കി തിയേറ്ററില്‍ പോയി സിനിമ കാണാനും പുറത്തുനിന്ന്‌ ഭക്ഷണം കഴിക്കാനുമൊക്കെ സാധിക്കുകയെന്നത്‌ ഇപ്പോഴത്തെ നിലയ്‌ക്ക്‌ വലിയ സ്വാതന്ത്ര്യമാണ്.അതിലേറെ സാന്ത്വനവും.