സ്പൈഡര്‍മാനെയും, ബാറ്റ്മാനെയും, സൂപ്പര്‍മാനെയും നെഞ്ചിലേറ്റിയ മലയാളിക്ക് സ്വന്തമായി ഒരു സൂപ്പര്‍ ഹീറോയെ സമ്മാനിച്ചിരിക്കുകയാണ് സംവിധായകന്‍ ബേസില്‍ ജോസഫ്. ടൊവിനോ തോമസ് മിന്നല്‍ മുരളിയെന്ന അതിമാനുഷിക കഥാപാത്രത്തെ അവതരിപ്പിക്കുന്ന ബഹുഭാഷ ചിത്രം മിന്നല്‍ മുരളിയുടെ ടീസര്‍ അണിയറപ്രവര്‍ത്തകര്‍ പുറത്തുവിട്ടു. ഹിന്ദി ടീസര്‍ അഭിഷേക് ബച്ചനും, കന്നട ടീസര്‍ യഷും, തമിഴ് ടീസര്‍ വിജയ് സേതുപതിയും കീര്‍ത്തി സുരേഷും മലയാളം ടീസര്‍ പൃഥ്വിരാജും ഫഹദ് ഫാസിലും ആണ് പുറത്തിറക്കിയത്. വീക്കെൻഡ് ബ്ലോക്ക്ബസ്റ്റേഴ്സിന്‍റെ യുട്യൂബ് ചാനലിലൂടെ പുറത്തിറങ്ങിയ ടീസർ സമൂഹമാധ്യമങ്ങളിൽ വൈറലാണ്. മിന്നൽ മുരളി എന്ന കഥാപാത്രത്തെ കുറിച്ച് ഒരു ധാരണ പ്രേക്ഷകന് നല്‍കുന്ന തരത്തിലാണ് ടീസര്‍ ഒരുക്കിയിരിക്കുന്നത്. മലയാളത്തിലെ ആദ്യ സൂപ്പർ ഹീറോ മൂവി എന്ന വിശേഷണത്തോടെ എത്തുന്ന ചിത്രം സോഫിയ പോളാണ് നിർമിച്ചിരിക്കുന്നത്. ക്യാമറ സമീർ താഹിറും സംഗീത സംവിധാനം ഷാൻ റഹ്മാനും നിർവഹിച്ചിരിക്കുന്നു. ജസ്റ്റിൻ മാത്യു, അരുൺ അരവിന്ദൻ എന്നിവർ ചേർന്നാണ് തിരക്കഥയൊരുക്കിയിരിക്കുന്നത്.
ആകാംഷയുടെ കൊടുമുടി കയറാന്‍ തയ്യാറായിക്കോളൂ... മിന്നല്‍ മുരളി ടീസര്‍ എത്തി
മിന്നൽ മുരളി എന്ന കഥാപാത്രത്തെ കുറിച്ച് ഒരു ധാരണ പ്രേക്ഷകന് നല്‍കുന്ന തരത്തിലാണ് ടീസര്‍ ഒരുക്കിയിരിക്കുന്നത്. മലയാളത്തിലെ ആദ്യ സൂപ്പർ ഹീറോ മൂവി എന്ന വിശേഷണത്തോടെ എത്തുന്ന ചിത്രം സോഫിയ പോളാണ് നിർമിച്ചിരിക്കുന്നത്
ആകാംഷയുടെ കൊടുമുടി കയറാന്‍ തയ്യാറായിക്കോളൂ... മിന്നല്‍ മുരളി ടീസര്‍ എത്തി
സ്നേഹ ബാബു, അജു വർഗീസ്, ഹരിശ്രീ അശോകൻ, ബൈജു സന്തോഷ് തുടങ്ങിയവരും ടൊവിനോയോടൊപ്പം ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ‘ഈ ഓണത്തിന് സിനിമ തിയേറ്ററിൽ ഇറക്കണം എന്നാണ് കരുതിയത്. നടന്നില്ല... ഇപ്പൊ ടീസർ പുറത്തിറക്കുന്നു. പക്ഷെ ടീസറാണെങ്കിലും... സിനിമ ആദ്യ ദിവസം തിയേറ്ററിൽ നിങ്ങളുടെ മുമ്പിക്കെത്തിക്കുന്ന അതേ ടെൻഷനും ആവേശവുമാണ് മനസിൽ. സ്വീകരിക്കും എന്ന പ്രതീക്ഷയോടെ അവതരിപ്പിക്കുന്നു' ടീസർ പങ്കുവച്ചു കൊണ്ട് സംവിധായകൻ ബേസിൽ ജോസഫ് ഫേസ്ബുക്കില്‍ കുറിച്ചു. ബേസിലിന്‍റെ സംവിധാനത്തില്‍ പുറത്തിറങ്ങിയ ഗോദയ്ക്കും കുഞ്ഞിരാമയണത്തിനുമെല്ലാം ഇപ്പോഴും ആരാധകരുണ്ട്.