മിനാരി ആമസോൺ പ്രൈമിൽ റിലീസിനെത്തുന്നു

കാലിക പ്രസക്തിയുള്ള വിഷയമാണ് മിനാരി പ്രമേയമാക്കുന്നത്. നാളെയാണ് സിനിമയുടെ ഒടിടി റിലീസ്.

മികച്ച ചലച്ചിത്രം, മികച്ച സംവിധായകൻ തുടങ്ങി ആറ് വിഭാഗങ്ങളിൽ ഓസ്കർ അവാർഡിനായി നോമിനേറ്റ് ചെയ്‌ത മിനാരി ചിത്രം ഡിജിറ്റൽ റിലീസിനൊരുങ്ങുന്നു. എഴുപത്തി മൂന്നാം വയസില്‍ ദക്ഷിണ കൊറിയൻ നടിയായ യുന്‍ യോ ജൂങ്ങിന് മികച്ച സഹതാരത്തിനുള്ള ഓസ്കർ നേടിക്കൊടുത്ത മിനാരി നാളെ ആമസോൺ പ്രൈം വീഡിയോയിൽ റിലീസ് ചെയ്യും.

ലീ ഐസക് ചുങ് സംവിധാനം ചെയ്ത ആമേരിക്കൻ ചിത്രം ഈ മാസം 11ന് ഒടിടി റിലീസിനെത്തുമെന്ന് ആമസോൺ പ്രൈം വീഡിയോ കഴിഞ്ഞ ദിവസം അറിയിച്ചു. ഏപ്രിൽ ഒമ്പതിനായിരുന്നു ചിത്രം ഇന്ത്യയിലെ തിയേറ്ററുകളിൽ റിലീസ് ചെയ്തത്.

More Read: അഞ്ച് പതിറ്റാണ്ട് പിന്നിട്ട കലാ ജീവിതം, ഓസ്‌കറില്‍ മുത്തമിട്ടത് 73 ആം വയസില്‍

1980കളാണ് സിനിമയുടെ പശ്ചാത്തലം. കൊറിയൻ- അമേരിക്കൻ വംശജരായ ജേക്കബും ഭാര്യയും അവരുടെ രണ്ട് മക്കളും കാലിഫോർണിയയിൽ നിന്നും അമേരിക്കയിലെ ഗ്രാമത്തിലേക്ക് കുടിയേറുന്നതാണ് മിനാരിയുടെ പ്രമേയം. ഗോൾഡൻ ഗ്ലോബ് പുരസ്കാരത്തിലടക്കം മിനാരി എന്ന ചിത്രം തിളങ്ങിയിട്ടുണ്ട്.