ദീപാവലി ആശംസകള്‍ നേര്‍ന്ന് താര രാജാക്കന്‍മാര്‍. രാജ്യമെങ്ങും ദീപങ്ങളുടെ ഉത്സവമായ ദീപാവലി ആഘോഷിക്കുകയാണ്. ദീപങ്ങള്‍ തെളിയിച്ചും വീടുകള്‍ അലങ്കരിച്ചും ആഘോഷിക്കുകയാണ് ജനങ്ങള്‍. ദീപ നാളങ്ങളും മധുര പലഹാരങ്ങളും ഈ ദിനത്തിന്‍റെ മുഖ്യ ആകര്‍ഷണമാണ്. പ്രിയപ്പെട്ടവര്‍ക്ക് സന്ദേശങ്ങളും ആശംസകളും അറിയിക്കാനും ഈ വേളയെ പലരും ഉപയോഗപ്പെടുത്താറുണ്ട്.
മലയാളത്തിന്‍റെ താര രാജാക്കന്‍മാരും ജനങ്ങള്‍ക്ക് ആശംസകള്‍ നേര്‍ന്ന് രംഗത്തെത്തിയിരിക്കുകയാണ്. ഫേസ്‌ബുക്കിലൂടെയാണ് താരങ്ങള്‍ ആശംസകള്‍ നേര്‍ന്നത്. എല്ലാവര്‍ക്കും എന്‍റെ ഹൃദയം നിറഞ്ഞ ദീപാവലി ആശംസകള്‍ എന്നാണ് മമ്മൂട്ടി കുറിച്ചിരിക്കുന്നത്. എല്ലാവര്‍ക്കും ദീപാവലി ആശംസകള്‍ എന്ന് മോഹന്‍ലാലും കുറിച്ചു.