വ്യത്യസ്തത നിറഞ്ഞ ചിരിയും സംസാരശൈലിയും കൊണ്ട് മലയാള സിനിമയിൽ ശുദ്ധഹാസ്യം നിറച്ച കലാകാരനാണ് കെ.ടി.എസ് പടന്നയില്‍. സ്ക്രീനിൽ എത്തുമ്പോഴെല്ലാം ചിരിപ്പൂരം ഒരുക്കിയ പടന്നയിലിന്‍റെ വിയോഗത്തിൽ അനുശോചനമറിയിച്ച് മലയാള സിനിമാലോകം.
സൂപ്പർതാരങ്ങളായ മമ്മൂട്ടി, മോഹൻലാൽ എന്നിവർ കലാകാരന് അന്ത്യഞ്ജലി കുറിച്ചു. നടനും സംവിധായകന്മാരുമായ പൃഥ്വിരാജ് സുകുമാരൻ, വിനീത് ശ്രീനിവാസൻ എന്നിവരും താരത്തിന്‍റെ വിയോഗത്തിൽ അനുശോചനം രേഖപ്പെടുത്തി.
കൂടാതെ മഞ്ജു വാര്യർ, ടൊവിനോ തോമസ്, ഹരിശ്രീ അശോകൻ, ഉണ്ണി മുകുന്ദൻ, അജു വർഗീസ്, അനു സിതാര, സണ്ണി വെയ്‌ൻ എന്നിവരും ആദരാഞ്ജലി അറിയിച്ചു.