തമിഴ് നടൻ വിശാലിനെതിരെ നല്‍കിയ ഹർജിയില്‍ പ്രമുഖ ചലച്ചിത്ര നിർമാണ കമ്പനിയായ ലൈക്ക പ്രൊഡക്ഷൻസിന് തിരിച്ചടി. താനെപ്പോഴും നീതിവ്യവസ്ഥയിൽ വിശ്വസിച്ചിരുന്നെന്നും തനിക്കും തന്‍റെ ചക്ര എന്ന സിനിമയ്‌ക്കും എതിരെയുള്ള വ്യാജ കേസിൽ ലൈക്ക നിർമാണ കമ്പനിക്ക് കോടതി അഞ്ച് ലക്ഷം രൂപ പിഴ ചുമത്തിയെന്നും വിശാൽ ട്വിറ്ററിൽ പറഞ്ഞു.
വിശാലിനെതിരായ ഹർജിയിൽ ലൈക്കക്ക് പിഴ
വിശാൽ 30.05 കോടി രൂപ പലിശ സഹിതം നൽകണമെന്നായിരുന്നു ലൈക്ക പ്രൊഡക്ഷൻസ് ആവശ്യപ്പെട്ടത്. 2016ൽ മരുദു എന്ന ചിത്രത്തിന് വേണ്ടി വിശാൽ അൻപുചെഴിയനിൽ നിന്ന് കടം വാങ്ങിയ 21.29 കോടി രൂപ കൊടുത്തുതീർത്തത് ലൈക്ക പ്രൊഡക്ഷൻസായിരുന്നു. 30 ശതമാനം പലിശയുൾപ്പെടെ ഈ തുക അടക്കാനായിരുന്നു ലൈക്കയും വിശാലും തമ്മിലുണ്ടായിരുന്ന വ്യവസ്ഥ.