Celebrities fake death news: സെലിബ്രിറ്റികളുടെ വ്യാജ മരണ വാര്‍ത്തകള്‍ സോഷ്യല്‍ മീഡിയയില്‍ നിത്യസംഭവാണ്.. വ്യാജ മരണ വാര്‍ത്തയുടെ ഏറ്റവും ഒടുവിലത്തെ ഇരയായിരിക്കുകയാണിപ്പോള്‍ നടി മാല പാര്‍വതി. തന്‍റെ വ്യാജ മരണ വാര്‍ത്തിയല്‍ പ്രതികരിച്ച് നടി രംഗത്തെത്തിയിരിക്കുകയാണ്.
Maala Parvathi reaction on death news: മരിച്ചിട്ടില്ലെന്ന്‌ പറയേണ്ടി വരുന്നത് ഒരു ഗതികേടാണോ തമാശയാണോ എന്നറിയില്ലെന്നാണ് നടി പറയുന്നത്‌. വ്യാജ വാര്‍ത്ത കാരണം തനിക്ക്‌ രണ്ട് പരസ്യത്തിന്‍റെ ഓഡിഷന്‍ നഷ്‌ടമായെന്നാണ് മാല പാര്‍വതി പറയുന്നത്‌. ഫേസ്‌ബുക്കിലൂടെയായിരുന്നു നടിയുടെ പ്രതികരണം. വ്യാജ മരണ വാര്‍ത്തയുടെ സ്‌ക്രീന്‍ ഷോട്ട്‌ സഹിതം നടി ഫേസ്‌ബുക്കില്‍ പങ്കുവച്ചിട്ടുണ്ട്‌.
Maala Parvathi facebook post: 'മരിച്ചിട്ടില്ല എന്ന് പറയേണ്ടി വരുന്നത് ഒരു ഗതികേടാണോ തമാശയാണോന്നറിയില്ല. പക്ഷേ, വർക്ക് നഷ്‌ടപ്പെടാന്‍ ഇടയാക്കുന്നത് വയറ്റത്തടിക്കുന്നതിന് തുല്യമാ. വാട്ട്സാപ്പിൽ പ്രൊഫൈൽ പിക് മാറിയത് കൊണ്ടാണ്, ഈ കാസ്‌റ്റിംഗ്‌ ചെയ്യുന്ന പെൺകുട്ടി എന്നെ വിളിച്ചത്. രണ്ട് പരസ്യത്തിന്‍റെ ഓഡിഷൻ മിസ്സായി!' -ഇപ്രകാരമാണ് മാല പാര്‍വതി ഫേസ്‌ബുക്കില്‍ കുറിച്ചത്‌.
Maala Parvathi latest movies: തമിഴ്‌ ചിത്രം എഫ്‌.ഐ.ആര്‍ ആണ് മാല പാര്‍വതിയുടേതായി ഏറ്റവും ഒടുവില്‍ പ്രദര്‍ശനത്തിനെത്തിയ സിനിമ. മമ്മൂട്ടി നായകനായെത്തുന്ന 'ഭീഷ്‌മ പര്‍വ'മാണ് നടിയുടെ റിലീസിനൊരുങ്ങുന്ന ഏറ്റവും പുതിയ ചിത്രം.
Also Read: വിജയ്‌യെ വളഞ്ഞ്‌ ജനക്കൂട്ടം; പോളിങ്‌ ഉദ്യോഗസ്ഥരോട്‌ മാപ്പ് പറഞ്ഞ്‌ വിജയ്‌
