നയൻതാരയും കുഞ്ചാക്കോ ബോബനും ആദ്യമായി ഒന്നിക്കുന്ന 'നിഴൽ' എന്ന ചിത്രത്തിന്‍റെ എല്ലാ പോസ്റ്ററുകളും ശ്രദ്ധ നേടുകയാണ്. നേരത്തെ ചാക്കോച്ചന്‍റെയും നയൻതാരയുടെയും നിഴലിലെ ഗെറ്റപ്പ് പോസ്റ്ററുകളിലൂടെ ആരാധകർക്കായി പങ്കുവെച്ചിരുന്നെങ്കിലും ഇരുവരും ഒരുമിച്ചുള്ള പോസ്റ്റർ റിലീസ് ചെയ്‌തിരുന്നില്ല. പുതിയതായി എത്തിയ നിഴലിന്‍റെ പോസ്റ്ററിൽ വളരെ ഗൗരവത്തോടെ പരസ്പരം അഭിമുഖമായി ഇരിക്കുന്ന ചാക്കോച്ചനെയും നയൻതാരയെയുമാണ് കാണിച്ചിട്ടുള്ളത്. ഒപ്പം ചിത്രത്തിന്‍റെ റിലീസും ഉടനുണ്ടാകുമെന്ന് അണിയറപ്രവർത്തകർ പങ്കുവെച്ചു.
ചാക്കോച്ചൻ- നയൻതാര 'നിഴൽ' ഈസ്റ്റർ റിലീസായി പുറത്തിറങ്ങും
ഏപ്രിൽ നാലിന് ഈസ്റ്റർ റിലീസായി നിഴൽ റിലീസ് ചെയ്യുമെന്നാണ് സൂചന.
ചാക്കോച്ചൻ- നയൻതാര 'നിഴൽ' ഈസ്റ്റർ റിലീസായി പുറത്തിറങ്ങും
ഏപ്രിൽ നാലിന് ഈസ്റ്റർ റിലീസായി നിഴൽ പ്രദർശനത്തിനെത്തുമാണ് സൂചന. പ്രശസ്ത എഡിറ്റർ അപ്പു.എന്‍.ഭട്ടതിരി ആദ്യമായി സംവിധാനം ചെയ്യുന്ന ചിത്രത്തിന്‍റെ തിരക്കഥ ഒരുക്കിയിരിക്കുന്നത് എസ് സഞ്ജീവാണ്. മാസ്റ്റര്‍ ഐസിന്‍ ഹാഷ്, സൈജു കുറുപ്പ്, വിനോദ് കോവൂര്‍, ഡോ.റോണി, അനീഷ് ഗോപാല്‍, സിയാദ് യദു, സാദിക്ക്, ദിവ്യപ്രഭ എന്നിവരും ചിത്രത്തിൽ നിർണായകവേഷങ്ങൾ ചെയ്യുന്നു. സൂരജ്.എസ്.കുറുപ്പാണ് നിഴലിന്‍റെ സംഗീതസംവിധായകൻ. അപ്പു ഭട്ടതിരിയും അരുണ്‍ലാല്‍ എസ്.പിയും എഡിറ്റിങ് നിർവഹിക്കുന്ന ചിത്രത്തിന്‍റെ കാമറ കൈകാര്യം ചെയ്യുന്നത് ദീപക്.ഡി.മേനോനാണ്.
ആന്‍റോ ജോസഫ് ഫിലിം കമ്പനി, മെലാഞ്ച് ഫിലിം ഹൗസ്, ടെന്‍റ്പോള്‍ മൂവീസ് എന്നിവയുടെ ബാനറുകളില്‍ ആന്‍റോ ജോസഫ്, അഭിജിത്ത്.എം.പിള്ള, ബാദുഷ, സംവിധായകന്‍ ഫെല്ലിനി ടി.പി, ജിനേഷ് ജോസ് എന്നിവരാണ് നിഴൽ നിര്‍മിച്ചിരിക്കുന്നത്.