Kunchacko Boban got postman job in Karnataka: മലയാളികളുടെ ചോക്ലേറ്റ്‌ താരം കുഞ്ചാക്കോ ബോബന്‌ സര്‍ക്കാര്‍ സര്‍വീസില്‍ ജോലിയോ? ആരാധകര്‍ക്കിടയിലെ സംസാരവിഷയമാണിപ്പോള്‍ ചാക്കോന്‍റെ സര്‍ക്കാര്‍ സര്‍വീസിലെ പുതിയ ജോലി വിവരം. തനിക്ക്‌ കര്‍ണാടക സര്‍വീസില്‍ ജോലി ലഭിച്ച വിവരം താരം തന്നെ ആരാധകരെ അറിയിച്ചിരിക്കുകയാണ്.
Kunchacko Boban postman job comments: പോസ്‌റ്റ്‌മാനായിട്ടാണ് താരത്തിന് ജോലി ലഭിച്ചിരിക്കുന്നത്‌. ഇക്കാര്യം ചാക്കോച്ചന് തന്‍റെ ഫേസ്‌ബുക്ക്‌ പേജിലൂടെ പങ്കുവയ്‌ക്കുകയായിരുന്നു. 'അങ്ങനെ കര്‍ണാടകയില്‍ സര്‍ക്കാര്‍ ജോലിയും സെറ്റായി... പണ്ട്‌ കത്തുകള്‍ കൊണ്ട്‌ തന്ന പോസ്റ്റ്മാന്റെ പ്രാര്‍ഥന.'- ഇപ്രകാരമായിരുന്നു നേരത്തെ ചാക്കോച്ചന് വേഷമിട്ടൊരു സിനിമയിലെ ചിത്രം പങ്കുവച്ച് കൊണ്ട്‌ കുറിച്ചത്‌.
താരത്തിന്‍റെ ഈ പോസ്‌റ്റിന്‌ താഴെ നിരവധി സഹതാരങ്ങള്‍ രസകരമായ കമന്‍റുകളുമായി എത്തിയിരിക്കുകയാണ്. 'അപ്പോള്‍ നാളെ ഒന്നാം തീയതി ശമ്പളം കിട്ടുമല്ലോ.. ചിലവുണ്ട്‌..' -ആന്‍റണി വര്‍ഗീസ്‌ കുറിച്ചു. 'ഇനിയങ്ങോട്ട്‌ എങ്ങനാ? ലീവൊക്കെ കിട്ടുമോ? പടങ്ങള്‍ എഴുതണോ വേണ്ടയോ എന്നറിയാനാ'- മിഥുന്‍ മാന്യുല്‍ തോമസ്‌ കുറിച്ചു.