കളി കഴിഞ്ഞ് വിയർത്ത ഫോട്ടോ ഇൻസ്റ്റഗ്രാമിൽ പങ്കുവച്ചിരിക്കുകയാണ് കുഞ്ചാക്കോ ബോബൻ. വിയർത്ത് തീർക്കുന്നു...അതിനെ ഇഷ്ടപ്പെടുന്നു എന്ന ക്യാപ്ഷനോടെയാണ് ഫോട്ടോ പങ്കുവച്ചിരിക്കുന്നത്. എന്നാൽ ഫോട്ടോക്ക് താഴെ കമന്‍റിൽ കുഞ്ചാക്കോ ബോബനെ ട്രോളി കമന്‍റുമായി എത്തിയിരിക്കുകയാണ് ജയസൂര്യ. വിയർത്തതിന് ഇത്ര അഹങ്കരിക്കുന്ന ഒരുത്തനെ ആദ്യമായിട്ട് കാണുവാ എന്നാണ് ചിത്രത്തിന് ജയസൂര്യ നൽകിയ മറുപടി.
ചാക്കോച്ചന്‍റെ ഫോട്ടോയും ജയസൂര്യയുടെ കമന്‍റും ഏറ്റെടുത്തിരിക്കുകയാണ് ഇരുവരുടെയും ആരാധകർ. സിനിമയിലും സിനിമക്ക് പുറത്തും അടുത്ത സുഹൃത്തുക്കൾ ആണ് ഇരുവരും. 20 വർഷത്തോളമായി തുടരുന്ന സൗഹൃദമാണ് ഇരുവരുടേതും.