മലയാളത്തിൽ ഒരുകാലത്ത് പ്രേക്ഷകരുടെ മനം കവർന്ന കോംബോ ആയിരുന്നു കുഞ്ചാക്കോ ബോബൻ-ജയസൂര്യ കൂട്ടുകെട്ട്. ഇരുവരും ഒന്നിച്ചുള്ള ഒരുപിടി നല്ല സിനിമകൾ മലയാള സിനിമയിൽ ഉണ്ടായിട്ടുണ്ട്. മലയാളികളുടെ പ്രിയ കോംബോ വീണ്ടും ഒരുമിക്കുന്നുവെന്ന വാർത്തയാണ് താരങ്ങൾ പുതുതായി പങ്കുവയ്ക്കുന്നത്. പ്രൊഡ്യൂസറിനൊപ്പമുള്ള ചിത്രവും ഇരുവരും പങ്കുവച്ചിട്ടുണ്ട്.
മുഴുനീള കോമഡി ചിത്രം ആണ് ഒരുങ്ങുന്നത് എന്നാണ് താരങ്ങൾ നൽകുന്ന സൂചന. ലിസ്റ്റിൻ സ്റ്റീഫൻ ആണ് ചിത്രം നിർമിക്കുന്നത്. സിനിമയുടെ പ്രഖ്യാപനം ഉടനുണ്ടാകും.