സിരുത്തൈ ശിവ സംവിധാനം ചെയ്യുന്ന രജനികാന്ത് ചിത്രത്തിനായി അക്ഷമരായി കാത്തിരിക്കുകയാണ് ആരാധകർ. അണ്ണാത്തയിലെ തന്‍റെ ഭാഗം പൂർത്തിയാക്കി കഴിഞ്ഞ മാസം തലൈവ ഹൈദരാബാദിൽ നിന്ന് ചെന്നെയിലേക്ക് മടങ്ങുകയും ചെയ്തു.
നടി ഖുശ്ബുവും അണ്ണാത്തയിൽ അതിപ്രധാനമായ ഒരു കഥാപാത്രത്തെ അവതരിപ്പിക്കുന്നുണ്ട്. എന്നാൽ, കഴിഞ്ഞ മാസങ്ങളിൽ താരം തെരഞ്ഞെടുപ്പും രാഷ്‌ട്രീയപ്രവർത്തനങ്ങളുമായി തിരക്കിലായിരുന്നതിനാൽ തന്നെ സിനിമയുടെ ഭാഗമാകാൻ കഴിഞ്ഞിരുന്നില്ല. എങ്കിലും, സിനിമ ചിത്രീകരണം പുനരാരംഭിക്കാൻ തമിഴ്നാട് സർക്കാർ അനുമതി നൽകിയാൽ ഖുശ്ബുവും ഉടൻ തന്നെ അണ്ണാത്തയുടെ ഭാഗമാകുമെന്നും ശേഷിക്കുന്ന രംഗങ്ങൾ പൂർത്തിയാക്കുമെന്നുമാണ് റിപ്പോർട്ടുകൾ.