കണ്ണൂര്‍: ലോക്ക് ഡൗൺ നിര്‍ദേശങ്ങള്‍ ജനങ്ങളിലേക്ക് എത്തിക്കാന്‍ ഹ്രസ്വചിത്രമൊരുക്കി മിമിക്രി കലാകാരന്മാർ. ദുബായ്, കോഴിക്കോട്, കണ്ണൂർ ജില്ലയുടെ പലഭാഗങ്ങള്‍ എന്നിവിടങ്ങളില്‍ നിന്നുള്ള മിമിക്രി കലാകാരന്മാരുടെ കൂട്ടായ്മയായ കണ്ണൂർ ചാപ്ലിൻസ് ഇന്ത്യയിലെ അംഗങ്ങളാണ് ഹ്രസ്വചിത്രത്തിന് പിന്നില്‍. 'കാര്യത്തിലെ കളി' എന്ന പേരിലാണ് ചിത്രം പുറത്തിറക്കിയിരിക്കുന്നത്. ചിത്രത്തില്‍ അഭിനയിച്ചവര്‍ തങ്ങളുടെ വീടുകളില്‍ ഇരുന്ന് ചിത്രീകരിച്ച ഭാഗങ്ങള്‍ ഒരുമിച്ച് ചേര്‍ത്ത് മൊബൈലിലാണ് എഡിറ്റ് ചെയ്തത്.
ലോക്ക് ഡൗണ്‍ നിര്‍ദേശങ്ങള്‍ ഹ്രസ്വചിത്രത്തിലാക്കി 'കണ്ണൂര്‍ ചാപ്ലിന്‍സ് ഇന്ത്യ'