ഏറെ നാളത്തെ കാത്തിരിപ്പ് ശേഷം കാപ്പാന്‍ തീയേറ്ററുകളിലേക്കെത്തുകയാണ്. സിനിമപ്രേമികള്‍ ഒന്നടങ്കം കാത്തിരിക്കുന്ന സൂര്യ-മോഹന്‍ലാല്‍ ചിത്രമാണ് കാപ്പാന്‍. റിലീസിന് മുന്നോടിയായി ചിത്രത്തിലെ വീഡിയോ ഗാനം പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. പാര്‍ട്ടിമൂഡില്‍ ചിത്രീകരിച്ചിരിക്കുന്ന ഗാനത്തിന് യൂട്യൂബില്‍ മാത്രം പതിനൊന്ന് ലക്ഷത്തിലധികം കാഴ്ചക്കാരാണ് ഉള്ളത്. വീഡിയോയില്‍ നിറഞ്ഞുനില്‍ക്കുന്നത് നായകന്‍ സൂര്യയും നായിക സയേഷയുമാണ്.
ഹേയ്...എമിഗോ... തകര്‍ത്താടി സൂര്യയും സയേഷയും - Kaappaan
പാര്‍ട്ടിമൂഡില്‍ ചിത്രീകരിച്ചിരിക്കുന്ന ഗാനത്തിന് യൂട്യൂബില്‍ മാത്രം പതിനൊന്ന് ലക്ഷത്തിലധികം കാഴ്ചക്കാരാണ് ഉള്ളത്
ഹേയ്...എമിഗോ... തകര്‍ത്താടി സൂര്യയും സയേഷയും
വൈരമുത്തു എഴുതിയ വരികള്‍ക്ക് സംഗീതം നല്‍കിയിരിക്കുന്നത് ഹാരിസ് ജയരാജാണ്. ലെസ്ലി ലൂയിസ്, ജോനിത ഗാന്ധി എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്. കെ വി ആനന്ദാണ് ചിത്രം സംവിധാനം ചെയ്തിരിക്കുന്നത്. നടന്‍ ആര്യയും ചിത്രത്തില്‍ മറ്റൊരു കേന്ദ്രകഥാപാത്രമായി എത്തുന്നുണ്ട്. അയന്‍, മാട്രാന്‍ എന്നീ ചിത്രങ്ങള്‍ക്കുശേഷം സൂര്യയും കെ വി ആനന്ദും ഒന്നിക്കുന്ന ചിത്രമാണ് കാപ്പാന്‍. ലൈക പ്രൊഡക്‌ഷൻസ് നിർമിക്കുന്ന ചിത്രം മുളകുപാടം ഫിലിംസാണ് കേരളത്തിൽ വിതരണത്തിനെത്തിക്കുന്നത്.