ഉലകനായകൻ കമൽ ഹാസൻ പാപനാശത്തിന്‍റെ രണ്ടാം ഭാഗത്തിനായുള്ള നിർമാണപ്രവർത്തനങ്ങളുമായി മുന്നോട്ട് പോവുകയാണെന്ന തരത്തിൽ വാർത്തകൾ പ്രചരിച്ചിരുന്നു. നടി ശ്രീപ്രിയയാണ് തമിഴിൽ രണ്ടാം പതിപ്പ് നിർമിക്കുന്നതെന്നും റിപ്പോർട്ടുകളുണ്ടായിരുന്നു. എന്നാൽ, പാപനാശത്തിന്‍റെ നിർമാണം ആരംഭിച്ചിട്ടില്ലെന്ന് സംവിധായകൻ ജീത്തു ജോസഫ് ഒരു ഓൺലൈൻ മാധ്യമത്തിനോട് വ്യക്തമാക്കി.
പാപനാശം രണ്ടാം ഭാഗത്തിനായുള്ള തയ്യാറെടുപ്പുകൾ ആരംഭിച്ചിട്ടില്ലെന്നും കമൽ ഹാസൻ പുതിയ പതിപ്പിന്‍റെ ഭാഗമായെന്ന വാർത്ത തെറ്റാണെന്നും ജീത്തു ജോസഫ് പറഞ്ഞു. മലയാളത്തിലെ മികച്ച ത്രില്ലറുകളിലൊന്നായ ദൃശ്യം 2 ഇക്കഴിഞ്ഞ ഫെബ്രുവരിയിലാണ് ആമസോൺ പ്രൈമിൽ റിലീസിനെത്തിയത്.