ധനുഷും മലയാളികളുടെ പ്രിയപ്പെട്ട നടൻ ജോജു ജോർജ്ജും ഒപ്പം ഐശ്വര്യ ലക്ഷ്മിയും ഒന്നിച്ചെത്തുന്ന ജഗമേ തന്തിരത്തിനായി ഇനി മൂന്ന് ദിവസങ്ങൾ കൂടി... സുരുളി, പ്രഭു എന്നീ ഇരട്ടവേഷങ്ങളിൽ ധനുഷ് എത്തുന്ന ചിത്രം ജൂൺ 18ന് നെറ്റ്ഫ്ലിക്‌സിൽ റിലീസ് ചെയ്യും. 190 രാജ്യങ്ങളിലായി 17 ഭാഷകളിൽ മൊഴിമാറ്റിയാണ് ജഗമേ തന്തിരം പ്രദർശിപ്പിക്കുന്നത്.
കാർത്തിക് സുബ്ബരാജ് സംവിധാനം ചെയ്ത ചിത്രത്തിൽ ഗെയിം ഓഫ് ത്രോൺസിലൂടെ ലോകമെമ്പാടും പ്രശസ്‌തനായ സ്കോട്ടിഷ് നടൻ ജെയിംസ് കോസ്മോയും മറ്റൊരു നിർണായകകഥാപാത്രത്തെ അവതരിപ്പിക്കുന്നു. സഞ്ജന നടരാജൻ, കലൈയരസൻ എന്നിവരാണ് മറ്റ് പ്രധാന താരങ്ങൾ. വളരെ വ്യത്യസ്‌തമായ വേഷമായിരിക്കും ജോജു ജോർജ്ജിന്‍റെ ശിവദാസ് എന്നാണ് ചിത്രത്തിന്‍റെ ട്രെയിലർ സൂചിപ്പിക്കുന്നത്.