എനിക്ക് ശ്വാസംമുട്ടുന്നു... ഡെറിക് ചൗവിൻ എന്ന പൊലീസുകാരന്‍റെ ബൂട്ടിട്ട കാലുകളിൽ ഞെരിഞ്ഞമർന്ന ജീവൻ, 2020 മേയ് 25ന് കൊല്ലപ്പെട്ട ജോര്‍ജ് ഫ്ളോയിഡ്. അയാൾ നിലവിളിച്ച അവസാനവാക്കിനെ മുദ്രാവാക്യമാക്കി അമേരിക്കയിൽ കാട്ടുതീയായി പ്രതിഷേധം ആളിപ്പടർന്നു. ഒടുവിൽ അയാൾക്ക് നീതി ലഭിച്ചു.
More Read:‘എനിക്ക് ശ്വാസം മുട്ടുന്നു’... ഒടുവില്‍ നീതി; ചൗവിൻ കുറ്റക്കാരനാണെന്ന് കോടതി
ജോര്‍ജ് ഫ്ളോയിഡിനെ കൊലപ്പെടുത്തിയ കേസിൽ മൂന്ന് വകുപ്പുകളിൽ ഡെറിക്ക് കുറ്റക്കാരനെന്ന് വിധി പുറത്തുവന്നതോടെ സാമൂഹിക- രാഷ്‌ട്രീയ- സിനിമാമേഖലകളിലെയും പ്രമുഖർ പ്രതികരണവും അഭിനന്ദനവുമായി രംഗത്തെത്തി. ഇത് അനീതിക്കെതിരെയുള്ള ആദ്യ ചുവടു വയ്പ്പാണെന്നും വിവേചനങ്ങൾക്കെതിരെ ഇനിയും പോരാടാമെന്നും ട്വീറ്റുകളിലൂടെ പ്രമുഖ ഹോളിവുഡ് താരങ്ങൾ വ്യക്തമാക്കി.